Page Text
________________
४२२
जंबुद्दीवपण्णत्ती पोसहसालं पमज्जइ, पमज्जित्ता दब्भसंथारगं संथरइ, संथरित्ता दब्भसंथारगं दुरुहइ, दुरुहित्ता सिंधूए देवीए अट्ठमभत्तं पगिण्हइ, पगिण्हत्ता पोसहसालाए पोसहिए बंभयारी' •उम्मुक्कमणिसुवण्णे ववगयमालावण्णगविलेवणे गिक्खित्तसत्थमुसले दब्भसंथारोवगए अट्ठमभत्तिए सिंधुदेवि मणसीकरेमाणे-मणसीक रेमाणे चिट्ठइ॥
५५. तए णं सा तस्स भरहस्स रण्णो अट्ठमभत्तंसि परिणममाणंसि सिंधूए देवीए आसणं चलइ॥
५६. तए णं सा सिंधु देवी आसणं लियं पासइ, पासित्ता ओहिं पउंजइ, पउंजित्ता भरहं रायं ओहिणा आभोएइ, आभो त्ता इमे एयारूवे अज्झथिए चितिए पत्थिए मणोगए संकप्पे समुप्पज्जित्था-उप्पन्ने खलु भो! जंबुद्दीवे दोवे भरहे वासे भरहे णामं राया चाउरतचक्कवट्टी, तं जीयमेयं तीयपच्चुप्पन्नमणा गयाणं सिंधूणं देवीणं भरहाणं' राईणं उवत्थाणियं करेत्तए, तं गच्छामि णं अहंपि भरहस्स रण्णो उवत्थाणियं करेमित्ति कट्ट कुंभट्ठसहस्सं रयणचित्तं णाणामणिकणगरयणभत्तिचित्ताणि य दुवे कणगभद्दासणाणि य कडगाणि य तुडियाणि य 'वत्थाणि य" आभरणाणि य गेण्हइ, गेण्हित्ता ताए उक्किट्ठाए 'तुरियाए चवलाए जइण।ए सीहाए सिग्याए उद्याए दिव्वाए देवगईए वीईवयमाणीवोईवयमाणी जेणेव भरहे राया तेणेव उवागच्छइ, उवागच्छित्ता अंतलिक्खपडिवण्णा सखिखिणीयाइं पंचवण्णाइं वत्थाई पवर परिहिया करयलपरिग्गहियं दसणहं सिरसावत्तं मत्थए अंजलि कटु भरहं रायं जएणं विजएणं वद्धावेइ, वद्धावेत्ता एवं वयासी - अभिजिए णं देवाण प्पिएहि केवलकप्पे भरहे वासे, अहण्णं देवाणुप्पियाणं विसयवासिणो, अहण्णं देवाणप्पियाणं आणत्ति-किंकरी तं पडिच्छंतु णं देवाणुप्पिया ! मम इमं एयारूवं पीइदाणंतिकट्ट कुंभट्टसहस्सं रयणचित्तं णणामणिकणगरयणभत्तिचित्ताणि य दुवे कणकभद्दासणाणि य कडगाणि य' 'तुडियाणि य वत्थाणि य आभरणाणि य उवणेइ॥
५७. तए णं से भरहे राया सिंधूए देवीए इमेयारूवं पीइद णं पडिच्छइ, पडिच्छित्ता सिंधुं देवि सक्कारेइ सम्माणेइ, सक्कारेत्ता सम्माणेत्ता पडिविसज्जेइ॥
५८. तए णं से भरहे राया पोसहसालाओ पडिणिक्खमइ, पडिणिक्खमित्ता जेणेव मज्जणघरे तेणेव उवागच्छइ, उवागच्छित्ता हाए कयबलिकम्मे जाव' जेणेव भोयणमंडवे तेणेव उवागच्छइ, उवागच्छित्ता भोयणमंडवंसि सुहासणवरगए अट्ठमभत्तं पारेइ, पारेत्ता' •भोयणमंडवाओ पडिणिक्खमइ, पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीयइ,
१.० पा० --बंभयारी जाव दब्भसंथारोवगए। २. परिणाइ (अ,ब)। ३. पूर्वं मागधादि प्रकरणे (२६) भरहाणं' इति
पदं नैव दृश्यते। अत्र आदर्शषु एतत्पदमुप-
लभ्यते, वृत्तावपि व्याख्यातमस्ति । ४. जाव (अ,क,ख,त्रि,प,ब,स)। ५. सं० पा.---उक्किट्ठाए जाव एवं।
६. सं० पा० --कडगाणि य जाव सो चेव गमो
जाव पडिविसज्जेइ । ७. जं० ३।२८। यावत्पदस्य पूरकसूत्रे हाए कयबलिकम्मे' एतद् विशेषणद्वयं नैव लभ्यते,
तेन ज्ञायते एतत् स्नानक्रियायाः सूचकमेवास्ति। ८. सं० पा० -पारेत्ता जाव सीहासणवरगए।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |