Page Text
________________
तइयो वक्खारो
४२१ अट्ठाहियं महामहिमं करेह, करेत्ता मम एयमाणत्तियं पच्चप्पिणह ॥
५०. तए णं ताओ अट्ठारस सेणि-प्पसेणीओ भरहेणं रण्णा एवं वुत्ताओ समाणीओ हट्टतुट्ठाओ जाव अट्ठाहियं महामहिमं करेंति, करेत्ता एयमाणत्तियं पच्चप्पिणंति ॥
५१. तए' णं से दिव्वे चक्करयणे पभासतित्थकुमारस्स' देवस्स अट्ठाहियाए महामहिमाए णिवत्ताए समाणीए आउहघरसालाओ पडिणिक्खमइ, पडिणिक्खमित्ता' •अंतलिक्खपडिवण्णे जक्खसहस्ससंपरिवुडे दिव्वतुडियसद्दसण्णिणादेणं° पूरते चेव अंबरतलं सिंधूए महाणईए दाहिणिल्लेणं कूलेणं पुरत्थिमं दिसिं सिंधुदेवीभवणाभिमुहे पयाते यावि होत्था ॥
५२. तए णं से भरहे राया तं दिव्वं चक्करयणं सिंधूए महाणईए दाहिणिल्लेणं कलेणं पूरत्थिमं दिसिं सिंधुदेवीभवणाभिमुहं पयातं पासइ, पासित्ता हतुटु-चित्तमाणंदिए तहेव जाव' जेणेव 'सिंधए देवीए भवणं" तेणेव उवागच्छइ, उवागच्छित्ता सिंधए देवीए भवणस्स अदूरसामंते दुवालसजोयणायामं णवजोयणविच्छिण्णं वरणगरसरिच्छं विजयखंधावारणिवेसं करेइ, करेता 'वड्ढइरयणं सद्दावेइ, सद्दावेत्ता एवं वयासी-खिप्पामेव भो देवाणुप्पिया ! ममं आवासं पोसहसालं च करेहि, करेत्ता ममेयमाणत्तियं पच्चप्पिणाहि ॥
५३. तए णं से वड्ढइरयणे भरहेणं रण्णा एवं वुत्ते समाणे हट्टतुटु-चित्तमाणदिए नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलिं कट्ट एवं सामी ! तहत्ति आणाए विणएणं वयणं पडिसुणेइ, पडिसुणेत्ता भरहस्स रण्णो आवसहं पोसहसालं च करेइ, करेत्ता एयमाणत्तियं खिप्पामेव पच्चप्पिणति ।।
५४. तए णं से भरहे राया आभिसेक्काओ हत्थिरयणाओ पच्चोरुहइ, पच्चोरुहित्ता जेणेव पोसहसाला तेणेव उवागच्छइ, उवागच्छित्ता पोसहसालं अणुपविसइ, अणुपविसित्ता
१. आवश्यकचूणौँ (पृ० १८६) अतः ५८ सूत्रपर्यन्तं भिन्नवाचनाया: पाठो लभ्यते-तते णं से दिव्वे चक्के पभासतित्थकुमारस्स देवस्स अट्ठाहियाए महिमाए णिवत्ताए अंतलिक्खपडिवष्णे जाव अंबरतलं सिंधूए महाणदीए दाहिणिल्लेणं कूलेणं पुरथिमं दिसि सिंधुदेविभव- णाहिमुहे पयाते यावि होत्था, भरहे वि य णं तहेव जाव तीए भवणस्स अदूरसामंते विजय- खंधावारनिवेसेणं तहेव अट्ठमभत्तग्गहणं तंमि परिणममाणंसि सिंधुदेविए आसणचलणं ओहि- पउंजणं जीतकप्पसरणं जाव करेमित्तिक१ कभद्रसहस्सं रयणचित्तं णाणामणिकणगरयण- भित्तिचित्ताणि य दुवे कणकभद्धासणाई कड
गाणि य तुडियाणि य वत्थाणि य आभरणाणि य गेण्हित्ता जाव उवागच्छति जहा मागहकुमारे जाव आभरणाणि य उवणेति, रायावि तं सक्कारेति जाव अट्ठाहियाए महिमाए णिवत्ताए समाणीए से चक्करयणे । एवमग्रेपि
वाचनाभेदो दृश्यते । २. पहास (अ, त्रि, ब)। ३. सं० पा०-पडिणिक्खमित्ता जाव परेंते । ४. सिंधुदेव (अ, ब) । ५. जं० ३।१५-१८ । ६. सिंधुमहाणदी दीवे (अ, ब)। ७. सं० पा०—करेत्ता जाव सिंधुए।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |