Page Text
________________
४०६
जंबुद्दीवपण्णत्ती ६. तते णं से भरहे राया तस्स आउहपरियस्स अंतिए एयमह्र सोच्चा णिसम्म हट्ठ'तुट्ठ-चित्तमाणंदिए नदिए पीइमणे परमसोमणस्सिए हरिसवसविसप्पमाणहियए' वियसियवरकमलणयणवयणे पयलियवरकडगतुडियकेऊर-मउड-कुंडल-हारविरायंतरइयवच्छे पालंबपलबमाणघोलंतभूसणधरे ससंभमं तुरियं चवलं परिंदे सीहासणाओ अब्भुढेइ, अब्भुठेत्ता पायपीढाओ पच्चोरुहइ. पच्चोरुहित्ता पाउयाओ ओमुयइ, ओमुइत्ता एगसाडियं उत्तरासंगं करेइ, करेत्ता अंजलिमउलियग्गहत्थे चक्करयणाभिमुहे सत्तट्ठपयाई अणुगच्छइ, अणुगच्छित्ता वामं जाणुं अंचेइ, अंचेत्ता दाहिणं जाणुं धरणितलंसि णिहटु करयल'- परिग्गहियं सिरसावत्तं मत्थए अंजलि कटु चक्करयणस्स पणामं करेइ, करेत्ता तस्स आउहपरियस्स अहामालियं मउडवज्ज ओमोयं दलयइ, दल इत्ता विउलं जीवियारिहं पीइदाणं दलयइ, दलइत्ता सक्कारेइ सम्माणेइ, सक्कारेत्ता सम्माणेत्ता पडिविसज्जेइ, पडिविसज्जेत्ता सीहासणवरगए पुरत्थाभिमुहे सण्णिसण्णे ॥
७. तए णं से भरहे राया कोडंबियपुरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! विणीयं रायहाणि सभितरबाहिरियं आसिय-संमज्जिय-सित्त-सुइगसंमट्ठ-रत्यंतरवीहियं मंचाइमंचकलियं णाणाविहरागवसण-ऊसियझयपडागाइपडागमंडियं लाउल्लोइयमहियं गोसीससरसरत्तदद्दर दिण्णपंचंगुलितलं उवचियवंदणकलसं वंदणघडसुकय'- तोरणपडिदुवारदेसभायं आसत्तोसत्तविउलवट्टवग्धारियमल्लदामकलावं पंचवण्णसरससुरभिमुक्कपुप्फपुंजोवयारकलियं कालागुरुपवरकुंदुरुक्क-तुरक्कधूवमघमघेत° गंधुद्धयाभिरामं सुगंधवरगंधियं गंधवट्टिभूयं करेह कारवेह, करेत्ता कारवेत्ता य एयमाणत्तियं पच्चप्पिणह ॥
८. तए णं से कोडुंबियपुरिसा भरहेणं रण्णा एवं वुत्ता समाणा हट्ठ' 'तुट्ठ-चित्तमाणंदिया नंदिया पीइमणा परमसोमणस्सिया हरिसवसविसापमाणहियया करयलपरिग्गहियं सिरसावत्तं मत्थए अंजलि कटु एवं सामित्ति आणाए विणएणं वयणं पडिसुणेति, पडिसुणेत्ता भरहस्स रण्णो अंतियाओ पडिणिक्खमंति पडिणिक्खमित्ता विणीयं रायहाणि जाव' करेता कारवेत्ता य तमाणत्तियं पच्चप्पिणंति ॥
६. तए णं से भरहे राया जेणेव मज्जणघरे तेणेव उवागच्छइ, उवागच्छित्ता मज्जणघरं अणपविसइ, अणपविसित्ता समत्तजालाकलाभिरामे विचित्तमणिरयणकट्रिमतले रमणिज्जे ण्हाणमंडवंसि णाणामणिरयण-भत्तिचित्तंसि ण्हाणपीढंसि सुहणिसण्णे सुहोदएहिं गंधोदएहिं पुप्फोदएहिं सुद्धोदएहि य पुण्णे कल्लाणगपवरमज्जणविहीए मज्जिए तत्थ कोउयसएहिं बहुविहेहिं कल्लाणगपवरमज्जणावसाणे पम्हलसुकुमालगंधकासाइय-लूहियंगे सरससुरहि१.सं० पा०-हट्ट जाव सोमणस्सिए ।
भिरामं । २. 'मउलितहत्थे (अ, क, ब)।
७. सं० पा०-हट्ट करयल जाव एवं । ३.सं० पा०-करयल जाव अंजलि।
८. जं० ३७॥ ४. अभिंतर (अ,ब))।
६. 'कोट्टिमतले (अ,क,ख,त्रि,ब,स)। ५. 'वसणं (अ,क,ख,ब,स) ।
१०. x (अ,ब)। ६.सं० पा०-वंदणघडसुकय जाव गंधुद्ध या
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |