Page Text
________________
तइओ वक्खारो
४०१
जसंसो उतमे 'अभिजाए सत्त"-वीरियपरक्कमगुणे पसत्थवण्ण-सर-सार-संघयण'-बुद्धिधारण'-मेहा-संठाण-सील-प्पगई पहाणगारवच्छायागइए अणेगवयणप्पहाणे तेय-आउ-बलवीरियजुत्ते अझुसिरघणणिचियलोहसंकल-णारायवइरउसहसंघयणदेहधारी 'झस-जुग"भिंगार-वद्धमाणग-भद्दासण-संख-छत्त-वीयणि-पडाग-चक्क-णंगल-मुसल-रह-सोत्थिय-अंकुसचंदाइच्च-अग्गि-जूव-सागर-इंदज्झय-पुहवि-पउम-कुंजर-सीहासण-दंड-कुम्भ-गिरिवर-तुरगवर-मउड-कंडल-णंदावत्त-धणु-कोत-गागर-भवणविमाण - णेगलक्खणपसत्थसुविभत्तचित्तकरचरणदेसभागे उड्ढमुहलोमजात -सुकुमालणिद्धमउयावत्तपसत्थलोमविरइयसिरिवच्छच्छण्णविउलवच्छे देसखेत्तसुविभत्तदेहधारी तरुणरविरस्सिबोहिय-वरकमलविबुद्धगब्भवण्णे हयपोसण-कोससण्णिभ-पसत्थपिठंतणिरुवलेवे पउमुप्पल-कुंद-जाइ-जहिय-वरचंपगणागपुप्फ-सारंग-तुल्लगंधी छत्तीसाहियपसत्थपत्थिवगुणेहि जुते अव्वोच्छिण्णातपत्ते पागड उभयजोणी" विसुद्धणियगकुलगयणपुण्णचंदे, चंदे इव सोमयाए णयणमणणिव्वुईकरे, अक्खोभे सागरोव्वथिमिए, धणवइव्व भोगसमुदयसद्दव्वयाए, समरे अपराइए परमविक्कमगुणे अमरवइसमाणसरिसरूवे भणुयवई भरहचक्कवट्टी भरहं भुंजइ पण्णट्ठसत्तू ॥
४. तए णं तस्स भरहस्स रण्णो अण्णया कयाइ आउहघरसालाए दिव्वे चक्करयणे समुप्पज्जित्था ॥
५. तए णं से आउहघरिए भरहस्स रण्णो आउहघरसालाए दिव्वं चक्करयणं समुप्पन्नं पासाइ, पासित्ता हट्ठतुट्ठ-चित्तमाणंदिए नंदिए पीइमणे परमसोमणस्सिए हरिसवसविसप्पमाणहियए जेणामेव से दिव्वे चक्करयणे तेणामेव उवागच्छइ, उवागच्छित्ता तिक्खुत्तो आयाहिण-पयाहिणं करेइ, करेत्ता करयल' परिग्गहियं सिरसावत्तं मत्थए अंजलि कटु चक्करयणस्स पणामं करेइ, करेत्ता आउहघरसालाओ पडिणिक्खमइ, पडिणिक्खमित्ता जेणामेव बाहिरिया उवट्ठाणसाला जेणामेव भरहे राया तेणेव उवागच्छइ, उवागच्छित्ता करयल •परिग्गहियं सिरसावत्तं मत्थए अंजलि कटु जएणं विजएणं वद्धावेइ, वद्धावेत्ता एवं वयासी-एवं खलु देवाणुप्पियाणं आउहघरसालाए दिव्वे चक्करयणे समुप्पन्ने, तं एयण्णं देवाणुप्पियाणं पियट्टयाए पियं णिवेदेमो, पियं भे भवउ । १. अभियातसत्त (क, ख, स); अहियातसत्त ७. तुरंगवर (अ, क, ख, त्रि, ब, स)। (त्रि, ब, पुत्र, ही)।
८. मगर (क, ख)। २. संघयणतणुग (क, ख, त्रि, प, स, पु, शावृ, ९. उद्धामुहलोमजात (अ, ब, पुवृ); उड्ढामुहहीव); ताडपत्रीयादर्शयोः 'तणुग' इति पदं लोमजाल (क,त्रि,प,स); उड्ढमुहलोमजाल नास्ति, उपाध्यायपुण्यसागरकृतवृत्तावपि (ख); °लोमजाल (शावृ, हीवृ, पुवृपा)। अस्य पदस्यादर्शनस्योल्लेखोस्ति--क्वचित्तनु- १०. छतीसा अहिय' (अ,क,ख,त्रि,प,ब,स)। कशब्दो न दृश्यते।
११. "उभतो' (अ,क,ख,ब,स)। ३. x (ब)।
१२. X (त्रि, प)। ४. नारायणवइर° (अ, ख, ब)।
१३. सं० पा०—करयल जाव कटु । ५. झसयुगं-मत्स्युग्मम् (पुत्र)।
१४. सं० पा.....करयल जाव जएणं । ६. जूय (क, ख, प, स)।
१५. भवइ (अ, ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |