Page Text
________________
बीमो वक्खारो
सिग्घाए उद्धृयाए जइणाए छेयाए दिव्वाए देवगतीए° 'तिरियमसंखेज्जाणं दीवसमुद्दाणं मज्झमज्झणं वीईवयमाणे-वीईवयमाणे" जेणेव अट्ठावयपव्वए, जेणेव भगवओ तित्थगरस्स सरीरए, तेणेव उवागच्छइ, उवागच्छित्ता विमणे णिराणंदे अंसुपुण्णणयणे तित्थयरसरीरयं तिक्खुत्तो आयाहिण-पयाहिणं करेइ, करेत्ता णच्चासण्णे णाइदूरे सुस्सूसमाणे' •णमंसमाणे अभिमुहे विणएणं पंजलियडे पज्जुवासइ॥
१. तेणं कालेणं तेणं समएणं ईसाणे देविंदे देवराया उत्तरद्धलोगाहिवई अट्ठावीसविमाणसयसहस्साहिवई सूलपाणी वसहवाहणे सुरिंदे अरयंवरवत्थधरे जाव' विउलाई भोगभोगाइं भुजमाणे विहरइ ।।
६२. तए णं तस्स ईसाणस्स देविंदस्स देवरण्णो आसणं चलइ ।।
६३. तए णं से ईसाणे देविदे देवराया आसणं चलियं पासइ, पासित्ता ओहिं पउंजइ, पउंजित्ता भगवं तित्थगरं ओहिणा आभोएइ, आभोएत्ता जहा सक्के नियगपरिवारेणं भाणेयव्वो जाव पज्जुवासइ॥
६४. एवं सव्वे देविंदा जाव अच्चुए णियगपरिवारेणं आणेयव्वा । एवं जाव भवणवासीणं इंदा, वाणमंतराणं सोलस, जोइसियाणं दोणि नियगपरिवाराणेयव्वा ।।
६५. तए णं सक्के देविदे देवराया बहवे भवणवइ-वाणमंतर-जोइस-वेमाणिए देवे एवं वयासी-खिप्पामेव भो देवाणुप्पिया ! णंदणवणाओ सरसाइं गोसीसवरचंदणकट्ठाई साहरह, साहरित्ता तओ चियगाओ' रएह - एगं भगवओ तित्थगरस्स, एगं गणहराणं, एगं अवसेसाणं अणगाराणं ।।
६६. तए णं ते भवणवइ- वाणमंतर-जोइस-वेमाणिया देवा णंदणवणाओ सरसाइं गोसीसवरचंदणकट्टाई साहरंति, साहरित्ता तओ चियगाओ रएंति-एगं भगवओ तित्थगरस्स, एगं गणहराणं, एग अवसेसाणं अणगाराणं ।।।
६७. तए णं से सक्के देविंदे देवराया आभिओगे देवे सहावेइ, सहावेत्ता एवं वयासी खिप्पामेव भो देवाणुप्पिया! खीरोदसमुद्दाओ खीरोदगं साहरह ।।
६८. तए णं ते आभिओगा देवा खीरोदसमुद्दाओ खीरोदगं साहरंति ।।
६६. तए णं से सक्के देविदे देवराया तित्थगरसरीरगं खीरोदगेणं ण्हाणेति, ण्हाणेत्ता सरसेणं गोसीसवरचंदणेणं अणुलिपइ, अणुलिपित्ता हंसलक्खणं पडसाडयं णियंसेइ, णियंसेत्ता सव्वालंकारविभूसियं करेति ।।
१००. तए णं ते भवणवइ"- वाणमंतर-जोइस-वेमाणिया देवा 'गणहरसरीरगाई अणगारसरीरगाणि य"१ खीरोदगेणं हार्वेति, पहावेत्ता सरसेणं गोसीसवरचंदणणं १. वीईवयमाणे वीईवयमाणे तिरियमसंखेज्जाणं ७. सं० पा०-भवणवइ जाव वेमाणिया।
दीवसमुद्दाणं मझमज्झेणं (पुत्,शावृ,हीव)। ८. अभिजोग्गिया (अ,क,ब); आभिओग्गिया २. सं० पा०-सुस्सूसमाणे जाव पज्जुवास इ। (क); आभियोगिया (त्रि, स)। ३. पण्ण० २०५१ ।
६. पडगं (अ,ब)। ४. जं० २१६०,६१।
१०. सं० पा०-भवणवइ जाव वेमाणिया। ५. पण्ण० २।३०-६३ ।
११. गणहरअणगारसरीराइं (त्रि,हीव)। ६. चिइगाओ (प) सर्वत्र।
१२. ण्हवेंति (ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |