Page Text
________________
३८६
जंबुद्दीवपण्णत्ती विच्छिप्पमाणे-विच्छिप्पमाणे वयणमालासहस्सेहिं अभिथुव्वमाणे-अभिथुव्वमाणे कंतिसोहग्गगुणेहिं पत्थिज्जमाणे-पत्थिज्जमाणे बहणं नरनारीसहस्साणं दाहिणहत्थेणं अंजलिमालासहस्साइं पडिच्छमाणे-पडिच्छमाणे मंजुमंजुणा घोसेणं आपडिपुच्छमाणे-आपडिपुच्छमाणे भवणपंतिसहस्साई समइच्छमाणे - समइच्छमाणे तंतीतलतालतुडियगीयवाइयरवेणं महुरेणं मणहरेणं जयसदुग्घोसविसएणं मंजुमंजुणा घोसेणं अपडिबुज्झमाणे कंदरगिरिविवरकुहरगिरिवरपासादुद्धघणभवणदेवकुलसिंघाडग -तिगच उक्कचच्चरआरामुज्जाणकाणणसभापवापदेसभागे पडियासयसहस्ससंकुलं करते हयहेसियहत्थिगुलगुलाइयरहघणघणसद्दमीसएणं महया कलकलरवेण जणस्स महुरेणं पूरयंते सुगंधवरकुसुमचुण्णउव्विद्धवासरेण कविलं नभं करते कालागुरुकंदुरुक्कतरुक्कधव निवहेणंजीवलोगमिव वासयंते समंतओ खुभियचक्कवालं - पउरजणबालं वुड्ढयपमुइयतुरियपहाविय - विउल° आउलबोलबहुलं णभं करेंते विणीयाए रायहाणीए मज्झमज्झेणं णिग्गच्छइ, णिग्गच्छित्ता आसिय-संमज्जिय-सित्तसुइकपुप्फोवयारकलियं सिद्धत्थवणविउल रायमग्गं करेमाणे हयगयरहपहकरेण पाइक्कचडकरेण य मंदं मंदायं' उद्धत रेणुयं करेमाणे-करेमाणे जेणेव सिद्धत्थवणे उज्जाणे जेणेव असोगवरपायवे तेणेव उवागच्छति, उवागच्छित्ता असोगवरपायवस्स अहे सीयं ठवेइ, ठवेत्ता सीयाओ पच्चोरुहइ, पच्चोरुहित्ता सयमेवाभरणालंकार ओमुयइ, ओमुइत्ता सयमेव चउ हिं अट्टाहिं' लोयं करेइ, करेत्ता छठे भत्तेणं अपाणएणं आसाढाहि णक्खत्तेणं जोगमुवागएणं उग्गाणं भोगाणं राइण्णाणं खत्तियाणं चउहिं सहस्सेहिं सद्धि एगं देवदूसमादाय मुंडे भवित्ता अगाराओ अणगारियं पव्वइए ।
६६. उसमे णं अरहा कोसलिए संवच्छरं साहियं चीबरधारी होत्था, तेण परं अचेलए॥
६७. जप्पभिई च णं उसभे अरहा कोसलिए मुंडे भवित्ता अगाराओ अणगारियं पव्वइए, तप्पभिई च णं 'उसभे अरहा कोसलिए" णिच्चं वोसट्टकाए चियत्तदेहे जे केइ उवसग्गा उप्पज्जति, तं जहा-दिव्वा वा 'माणुस्सा वा तिरिक्खजोणिया वा पडिलोमा वा अणुलोमा वा । तत्थ पडिलोमा-वेत्तेण वा 'तयाए वा छियाए वा लयाए वा कसेण वा काए आउट्टेज्जा, अणुलोमा-वंदेज्ज वा 'नमसेज्ज वा सक्कारेज्ज वा सम्माणेज्ज वा कल्लाणं मंगलं देवयं चेइयं° पज्जुवासेज्ज वा ते सव्वे' सम्म सहइ 'खमइ तितिक्खइ°
१. मंदं (क,ख,त्रि,प,स)।
स, पत्र); केषुचिदादर्शषु 'उसभस्स णं अरहओ २. उद्धरेणुयं (अ,ब)।
कोसलिए वोटकाए' इत्यादि पाठो दृश्यते ३ मुट्ठीहि (क); मुट्ठाहिं (ब)।
तत्रान्वयाभावात विभक्तिपरिणामो लेखकदोषो ४. 'आसाढाहिं' ति आषाढशब्देन उत्तराषाढा पदैक वान्यथा संगति वा घटनीया (हीव) ।
देशे पदसमुदायोपचारात् पंचउत्तरासाढे' त्ति ६. सं० पा०—दिव्वा वा जाव पडिलोमा। वक्ष्यमाणत्वाच्च बहुत्वमार्यत्वात् सूत्रानु- ७. सं० पा० वेत्तेण वा जाव कसेण ! लोम्याच्च उत्तराषाढानक्षत्रेण योगमुपागते. ८. सं० पा०-वंदेज्ज वा जाव पज्जुवासेज्ज। नार्थाच्चन्द्रेणेति योज्यम् (हीवृ)।
६. उत्पन्नानिति गम्यम् (ही)। ५. उसभस्स अरहओ कोसलियस्स (अ,क,ख,प, १०. सं० पा०-सहइ जाव अहियासेइ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |