________________
बीओ वक्खारो
कालचक्क-पदं
१. जंबुद्दीवे णं भंते ! दीवे भारहे वासे कतिविहे काले पण्णत्ते ? गोयमा ? दुविहे काले पण्णत्ते, तं जहाओसप्पिणिकाले य उस्सप्पिणिकाले य॥
२. ओसप्पिणिकाले णं भंते ! कतिविहे पण्णत्ते ? गोयमा ! छबिहे पण्णत्ते, तं जहासुसमसुसमाकाले सुसमाकाले सुसमदुस्समाकाले दुस्समसुसमाकाले दुस्समाकाले दुस्समदुस्समाकाले ॥
३. उस्सप्पिणिकाले णं भंते ! कतिविहे पण्णत्ते? गोयमा! छविहे पण्णत्ते, तं जहादुस्समदुस्समाकाले' 'दुस्समाकाले दुस्समसुसमाकाले सुसमदुस्समाकाले सुसमाकाले सुसमसुसमाकाले।
४. एगमेगस्स णं भंते ! महत्तस्स केवइया उस्सासद्धा विआहिया ? गोयमा ! असंखेज्जाणं समयाणं समुदय-समिइ-समागमेणं सा एगा आविलिअत्ति वुच्चई', संखेज्जाओ आवलियाओ ऊसासो, संखेज्जाओ आवलियाओ नीसासो। सिलोगा
हट्ठस्स' अणवगल्लस्स, णिरुवकिट्ठस्स जंतुणो। एगे ऊसासनीसासे, एस पाणुत्ति वुच्चई ॥१॥ सत्त पाणूइं से थोवे, सत्त थोवाइं से लवे ।
लवाणं सत्तहत्तरीए, एस मुहुत्तेति आहिए ॥२॥ गाहा
तिण्णि सहस्सा सत्त य, सयाई तेवत्तरि च ऊसासा।
एस मुहुत्तो भणिओ, सव्वेहि अणंतनाणीहिं ॥३॥ एएणं मुहुत्तप्पमाणेणं तीसं मुहुत्ता अहोरत्तो, पण्णरस अहोरत्ता पक्खो, दो पक्खा मासो, दो मासा उर्दू, तिण्णि उदू अयणे, दो अयणा संवच्छरे, पंच संवच्छरिए जुगे, वीसं
१. सं० पा०-दुस्समदुस्समाकाले जाव सुसम-
सुसमाकाले। २. पवुच्चइ (प)।
३. हिट्ठस्स (क,ख)। ४. उडू (त्रि); उऊ (प) अग्रेपि ।
Jain Education International
For Private & Personal Use Only
www.jainelibrary.org
