Page Text
________________
३५६
पच्चष्पिणेज्जा |
६२. से णं भंते ! तहासजोगी सिज्झति' बुज्झति मुच्चति परिणिव्वाति सव्वदुक्खाणं अंतं करोति ? गोयमा ! णो इणट्ठे समट्ठे । से णं पुव्वामेव सण्णिस्स पंचेंदियस्स पज्जत्तयस्स जहण्णजोगिस्स हेट्ठा असंखेज्जगुणपरिहीणं पढमं मणजोगं णिरुंभइ, तओ अनंतरं च णं बेइंदियस्स पज्जगत्तस्स जहण्णजोगिस्स हेट्ठा असंखेज्जगुणपरिहीणं दोच्चं वइजोगं णिरुंभति, तओ अनंतरं चणं सुहुमस्स पणगजीवस्स अपज्जत्तयस्स जहण्णजोगिस्स हेट्ठा असंखेज्जगुणपरिहीणं तच्चं कायजोगं णिरंभति । से णं एतेणं उवाएणं पढमं मणजोगं णिरुंभइ, णिरंभित्ता वइजोगं णिरंभति, णिरुभित्ता कायजोगं णिरंभति, णिरुभित्ता जोगणिरोहं करेति, करेत्ता अजोगयं पाउणति, पाउणित्ता ईसीहस्सपंचक्खरुच्चारणद्धाए असंखेज्जसमइयं अंतोमुहुत्तियं सेलेसि पडिवज्जइ, पुव्वरइतगुणसेढीयं च णं कम्मं तसे सेलेसिमद्धाए असंखेज्जाहिं गुणसेढीहि असंखेज्जे कम्मखंधे खवयति, खवइत्ता वेदणिज्जाउय - नाम-गोत्ते इच्चेते चत्तारि कम्मंसे जुगवं खवेति, खवेत्ता ओरालियतेया- कम्मगाई सव्वाहिं विप्पजहणाहिं विप्पजहति, विप्पज हित्ता उजुसेढीपडिवण्णे' अफुसमाणगतीए एगसमएणं अविग्गणं उड्ढं गंता सागा रोवउत्ते सिज्झति ॥
........
सिद्धसरूव-पदं
६३. ते णं तत्थ सिद्धा भवंति - असरीरा जीवघणा दंसण- णाणोवउत्ता णिट्टियट्ठा नीरया णिरेयणा वितिमिरा विसुद्धा सासयणागतद्धं कालं चिट्ठति ॥
ε४. से केणट्ठेणं भंते ! एवं वुच्चति - ते णं तत्थ सिद्धा भवंति -- असरीरा जीवघणा दंसण - णाणोवउत्ता णिट्टियट्ठा नीरया णिरेयणा वितिमिरा विसुद्धा सासतमणागयद्धं कालं चिट्ठति ? गोयमा ! से जहाणामए-बीयाणं अग्गिदड्ढाणं पुणरवि अंकुरुप्पत्ती न हवइ, एवामेव सिद्धाणवि कम्मबीएस दड्ढेसु पुणरवि जम्मुप्पत्ती न हवति । से तेणट्ठेणं गोयमा ! एवं वच्चति - ते णं तत्थ सिद्धा भवंति - असरीरा जीवघणा दंसण- णाणोवत्ता निट्टियट्ठा णीरया णिरेयणा वितिमिरा विसुद्धा सासयमणागयद्धं कालं चिट्ठति त्ति ॥
गाहा
णिच्छिण्ण सव्वदुक्खा, जाति-जरा-मरण-बंधणविमुक्का । सासयमव्वाबाहं, चिट्ठति सुही सुहं पत्ता ॥१॥
१. सं०पा० २. उज्जु० (क, ख, घ) ।
Jain Education International
ग्रन्थ-परिमाण
कुल अक्षर २,७३,०७८
अनुष्टुप् श्लोक ८, ५३३ अक्षर २३
सिज्झति जाव अंतं ।
पण्णवणासुतं
३. सिझति बुज्झति (क, ख, ग, घ, पु); वृत्तिकृद्भ्यां नैतत्पदं व्याख्यातम् ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |