Page Text
________________
छत्तीसइमं समुग्धायपयं
३५५
जस्साउएण तुल्लाइं, बंधणेहिं ठितीहि य ॥ भवोवग्गहकम्माइं, समूग्घायं से ण गच्छति ॥२।। अगंतूणं समुग्घायं, अणंता केवली जिणा।
जर-मरणविप्पमुक्का, सिद्धि वरगति गता ॥२॥ ८४. कतिसमइए णं भंते ! आउज्जीकरणे' पण्णत्ते ? गोयमा ! असंखेज्जसमइए अंतोमुहुत्तिए आउज्जीकरणे पण्णत्ते ॥
८५. कतिसमइए णं भंते ! केवलिसमुग्घाए पण्णत्ते ? गोयमा ! अट्ठसमइए पण्णत्ते, तं जहा-पढमे समए दंडं करेति, बिइए समए कवाडं करेति, ततिए समए मंथं करेति, चउत्थे समए लोगं पूरेइ, पंचमे समए लोगं पडिसाहरति छठे समए मंथं पडिसाहरति, सत्तमे समए कवाडं पडिसाहरति, अट्ठमे समए दंडं पडिसाहरति, पडिसाहरित्ता ततो पच्छा सरीरत्थे भवति ॥
८६. से णं भंते ! तहास मुग्घायगते किं मणजोगं जुजति ? वइजोगं जुजति ? कायजोगं जुजति ? गोयमा ! णो मणजोगं जुंजइ, णो वइजोगं जुंजइ, कायजोगं जुजति ।।
८७. कायजोगण्णं भंते ! जुजमाणे किं ओरालियसरीरकायजोगं जुजति ? ओरालियमीसासरीरकारजोगं जुजति ? किं वेउव्वियसरीरकायजोगं जुजति ? वेउव्वियमीसासरीरकायजोगं जुजति ? किं आहारगसरीरकायजोगं जुजइ ? आहारगमीसासरीरकायजोगं जुजति ? कि कम्मगसरीरकायजोगं झुंजइ ? गोयमा ! ओरालियसरीरकायजोगं पि जंजति ओरालियमीसासरीरकायजोगं पि जंजति. णो वेउव्वियसरीरकायजोगं जंजति ण वेउब्वियमीसासरीरकायजोगं गँजति, णो आहारगसरीरकायजोगं जुजति णो आहारगमीसासरीरकायजोगं जुजति, कम्मगसरीरकायजोगं पि जुजति; पढमट्ठमेसु समएसु ओरालियसरीरकायजोगं जुजति, बितिय-छट्ठ-सत्तमेसु समएसु ओरालियमीसगसरीरकायजोगं जुजति, ततिय-चउत्थ-पंचमेसु समएसु कम्मगसरीरकायजोगं जुजति ॥
८८. से णं भंते ! तहासमुग्घायगते सिज्झइ बुज्झइ मुच्चइ परिणिव्वाइ सव्वदुक्खाणं अंतं करेइ ? गोयमा ! णो इणठे समटठे। से णं तओ पडिनियत्तति, पडिनियत्तित्ता ततो पच्छा मणजोगं पि जुजति वइजोगं पि जुंजति कायजोगं पि जुजति ॥
८९. मणजोगणं मुंजमाणे किं सच्चमणजोगं जुजति ? मोसमणजोगं जुजति ? सच्चामोसमणजोगं जंजति ? असच्चामोसमणजोगं जंजति? गोयमा ! सच्चमणजोगं जुजति, णो मोसमणजोगं जुजति णो सच्चामोसमणजोगं जुजति, असच्चामोसमणजोगं पि जुंजइ ॥
____६०. वइजोगं जुजमाणे किं सच्चवइजोगं जुजति ? मोसवइजोगं जुजति ? सच्चामोसवइजोगं जुजति ? असच्चामोसवइजोगं जुजति ? गोयमा ! सच्चवइजोगं जुजति, णो मोसवइजोगं जुजइ णो सच्चामोसवइजोगं जुजति, असच्चामोसवइजोगं पि जुंजइ ।।
६१. कायजोगं जुजमाणे आगच्छेज्ज वा गच्छेज वा चिट्ठज्ज वा णिसीएज्ज वा तुयटेज्ज वा उल्लंघेज्ज वा पलंघेज्ज वा पाडिहारियं पीढ़-फलग-सेज्जा-संथारगं १. आउज्जियाकरणे, आउस्सियाकरणे। (मवृपा)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |