________________
गाहा
छत्तीसइमं समुग्धायपयं
१ वेयण २ कसाय ३ मरणे, ४ वेउब्विय ५ तेयए य ६ आहारे । ७ केवलिए' चेव भवे, जीव- मणुस्साण सत्तेव ॥
समुग्धाय भेय-पदं
१. कति णं भंते ! समुग्धाया पण्णत्ता ? गोयमा ! सत्त समुग्धाया पण्णत्ता, तं जहा - वेदणासमुग्धाए कसायसमुग्धाए मारणं तियसमुग्धाए वेउव्वियसमुग्धाए तेयासमुग्धाए आहारसमुग्धाए' केवलिसमुग्धाए ॥
समुग्धाय काल-पदं
२. वेदणासमुग्धाए णं भंते ! कतिसमइए पण्णत्ते ? गोयमा ! असंखेज्जसमइए अंतोमुहुत्तिए पण्णत्ते । एवं जाव आहारगसमुग्धाए ॥
३. केवलिसमुग्धाए णं भंते ! कतिसमइए पण्णत्ते ? गोयमा ! अट्ठसमइए पण्णत्ते ॥ समुग्धायसामित्त-पदं
४. रइयाणं भंते! कति समुग्धाया पण्णत्ता ? गोयमा ! चत्तारि समुग्धाया पण्णत्ता, तं जहा – वेदणासमुग्धाए कसायसमुग्धाए मारणंतिय समुग्धाए वेउब्वियसमुग्धाए ॥
५. असुरकुमाराणं भंते! कति समुग्धाया पण्णत्ता ? गोयमा ! पंच समुग्धाया पण्णत्ता, तं जहा-वेदणासमुग्धाए कसायसमुघाए मारणंतियसमुग्धाए वेडव्वियसमुग्धाए तेयासमुग्धाए । एवं जाव थणियकुमाराणं ॥
६. पुढविक्काइयाणं भंते ! कति समुग्धाया पण्णत्ता ? गोयमा ! तिण्णि समुग्धाया पण्णत्ता, तं जहा – वेदणासमुग्धाए कसायसमुग्धाए मारणंतियसमुग्धाए । एवं जाव चउरिदियाणं, णवरं वाउक्काइयाणं चत्तारि समुग्धाया पण्णत्ता, तं जहा - वेदणासमुग्धाए कसायसमुग्धाए मारणंतियसमुग्धाए वे उव्वियसमुग्धाए ॥
७. पंचेंदियतिरिक्खजोणियाणं जाव वैमाणियाणं भंते ! कति समुग्धाया पण्णत्ता ?
२. आहारसमु° (क, ख, घ ) ।
१. केवलए [क,ग) ।
३४४
Jain Education International
For Private & Personal Use Only
www.jainelibrary.org
