Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 415

३३८
पण्णवणासुतं
मेव ताओ अच्छराओ ओरालाई सिगाराई मणुण्णाई मणोहराई मणोरमाइं उत्तरवेउव्वियाई रुवाई विउव्वंति, विउवित्ता तेसि देवाणं अंतियं पादुब्भवंति । तए णं ते देवा ताहि अच्छराहिं सद्धि कायपरियारणं करेंति से जहाणामए- सीता पोग्गला सीतं पप्प सीतं चैव अतिवृतित्ता णं चिट्ठति, उसिणा वा पोग्गला उसिणं पप्प उसिणं चेव अइवइताणं चिट्ठति, एवमेव तेहिं देवेहिं ताहि अच्छराहिं सद्धि कायपरियारणे कते समाणे से इच्छामणे खिप्पामेवावेति ॥
२०. अत्थि णं भंते ! तेसि देवाणं सुक्कपोग्गला ? हंता अत्थि । ते णं भंते ! तासि अच्छराणं कीसत्ताए भुज्जो - भुज्जो परिणमंति ? गोयमा ! सोइंदियत्ताए चक्खिदियत्ताए घाणिदियत्ताए रसिंदियत्ताए फासिंदियत्ताए इट्टत्ताए कंतत्ताए मणुण्णत्ताए मणामत्ताए सुभगत्ताए सोहग्ग- रूव-जोव्वण-गुणलायण्णत्ताए ते तासि भुज्जो - भुज्जो परिणमति ॥
२१. तत्थ णं जेते फासपरियारगा देवा तेसि णं इच्छामणे समुप्पजइ - इच्छामो णं अच्छ राहिं सद्धि फासपरियारं करेत्तए । तए णं तेहि देवेहिं एवं मणसीकए समाणे खिप्पामेव ताओ अच्छाराओ ओरालाई सिंगाराई मणुण्णाई मणोहराई मणोरमाई उत्तरवेउव्वियाई रुवाई विउव्वंति, विउव्वित्ता तेसि देवाणं अंतियं पादुब्भवंति । तए णं ते देवा ताहि अच्छराहि सद्धि फासपरियारणं करेंति, एवं जहेव कायपरियारगा तहेव निरवसेसं भाणियव्वं ॥
२२. तत्थ णं जेते रूवपरियारगा देवा तेसि णं इच्छामणे समुप्पज्जइ - इच्छामो णं अच्छराहिं सद्धि रूवपरियारणं करेत्तए । तए णं तेहि देवेहि एवं मणसीक समाणे तहेव जाव उत्तरवेउब्वियाई रुवाई विउब्वंति, विउव्वित्ता जेणामेव ते देवा तेणामेव उवागच्छंति, उवागच्छित्ता तेसि देवाणं अदूरसामंते ठिच्चा ताई ओरालाई जाव मणोरमाई उत्तरवेउब्वियाई रुवाइं उवदंसेमाणीओ उवदंसेमाणीओ चिट्ठति । तए णं ते देवा ताहिं अच्छराहिं सद्धि रूवपरियारणं करेंति, सेसं तं चैव जाव भुज्जो - भुज्जो परिणमति ॥
२३. तत्थ णं जेते सद्दपरियारगा देवा तेसि णं इच्छामणे समुप्पज्जति - इच्छामो णं अच्छ राहिं सद्धि सद्दपरियारणं करेत्तए । तए णं तेहिं देवेहि एवं मणसीकए समाणे तहेव जाव उत्तरवे उब्वियाई रुवाई विउव्वंति, विउव्वित्ता जेणामेव ते देवा तेणामेव उवागच्छंति, उवागच्छित्ता तेसि देवाणं अदूरसामंते ठिच्चा अणुत्तराई उच्चावयाई सद्दाई समुदीरेमाणीओ - समुदीरेमाणीओ चिट्ठेति । तए णं ते देवा ताहिं अच्छराहिं सद्धि सद्दपरियारणं करेंति, सेसं तं चेव जाव भुज्जो - भुज्जो परिणमति ॥
२४. तत्थ णं जेते मणपरियारगा देवा तेसि इच्छामणे समुप्पज्जइ - इच्छामो णं अच्छराहि सद्धिमणपरियारणं करेत्तए । तए णं तेहिं देवेहिं एवं मणसीकए समाणे खिप्पामेव ताओ अच्छराओ तत्थगताओ चैव समाणीओ अणुत्तराई उच्चावयाइं मणाई पहारेमाणीओ - पहारेमाणीओ चिट्ठति । तए णं ते देवा ताहि अच्छराहिं सद्धि मणपरियारणं करेंति, सेसं णिरवसेसं तं चेव जाव भुज्जो - भुज्जो परिणमति ॥
२५. एतेसि णं भंते! देवाणं कायपरियारगाणं जाव मणपरियारगाणं अपरियारगाय कतरे कतरेहितो अप्पा वा बहुया वा तुल्ला वा विसेसाहिया वा ? गोयमा !