Page Text
________________
उतीसइमं पवियारणापर्यं
३३७
अज्झवसाणा पण्णत्ता । ते णं भंते! किं पसत्था ? अप्पसत्था ? गोयमा ! पसत्था वि अप्पसत्था वि । एवं जाव वैमाणियाणं |
सम्मताभिगम-पदं
१४. रइया णं भंते ! कि सम्मत्ताभिगमी' ? मिच्छत्ताभिगमी ? सम्मामिच्छत्ताभिगामी ? गोयमा ! सम्मत्ताभिगमी वि मिच्छत्ताभिगमी वि सम्मामिच्छत्ताभिगमी वि । एवं जाव वैमाणिया, णवरं-- एगिंदिय- विगलिंदिया णो सम्मत्ताभिगमी, मिच्छत्ताभिगमी, णो सम्मामिच्छत्ताभिगमी ॥ परियारणा-पदं
१५. देवा णं भंते ! किं सदेवीया सपरियारा ? सदेवीया अपरियारा ? अदेवीया सपरियारा ? अदेवीया अपरियारा ? गोयमा ! अत्थेगइया देवा सदेवीया सपरियारा, अत्थेrइया देवा अदेवीया सपरियारा, अत्थेगइया देवा अदेवीया अपरियारा, णो चेव णं देवा सदेवीया अपरियारा ॥
१६. से केणट्ठणं भंते ! एवं वुच्चति - अत्थेगइया देवा सदेवीया सपरियारा, "अत्थेगइया देवा अदेवीया सपरियारा, अत्थेगइया देवा अदेवीया अपरियारा णो चेव णं देवा सदेवीया अपरियारा ? गोयमा ! भवणवति वाणमंतर - जोतिस सोहम्मीसाणेसु कप्पे देवा सदेवीया सपरियारा, सणकुमार - माहिंद - बंभलोग लंतग-महासुक्क सहस्सार- आणय-पाणयआरण-अच्चए कप्पेसु देवा अदेवीया सपरियारा, गेवेज्जणुत्तरोववाइयदेवा अदेवीया अपरियारा, णो चेव णं देवा सदेवीया अपरियारा । से तेणट्ठेणं गोयमा ! एवं वच्चतिअत्या देवा सदेवीया सपरियारा, अत्थेगइया देवा अदेवीया सपरियारा, अत्थे गइया देवा अदेवीया अपरियारा, णो चेव णं देवा सदेवीया अपरियारा ॥
१७. कतिविहाणं भंते ! परियारणा पण्णत्ता ? गोयमा ! पंचविहा परियारणा पण्णत्ता, जहा - कायपरियारणा' फासपरियारणा रुवपरियारणा सद्दपरियारणा मणपरियारणा ॥
१८. सेकेणट्ठे भंते ! एवं वृच्चति - पंचविहा परियारणा पण्णत्ता, तं जहाकायपरियारणा जाव मणपरियारणा ? गोयमा ! भवणवति वाणमंतर - जोइस सोहम्मीसासु कप्पे देवा कायपरियारगा, सणकुमार - माहिदेसु कप्पेसु देवा फासपरियारगा, बंभलोय - लंतगेसु कप्पेसु देवा रूवपरियारगा, महासुक्क सहस्सा रेसु देवा सद्दपरियारगा, आणय-पाणय-आरण-अच्चएस कप्पेसु देवा मणपरियारगा, गेवेज्जअणुत्तरोववाइया देवा अपरियारगा । से तेणट्ठेणं गोयमा ! एवं वुच्चति - पंचविहा परियारणा पण्णत्ता, तं जहा — कायपरियारणा जाव' मणपरियारणा ॥
१६. तत्थ णं जेते कायपरियारगा देवा तेसि णं इच्छामणे समुप्पज्जइ - इच्छामो णं अच्छराहिं सद्धिं कायपरियारं करेत्तए । तए णं तेहि देवेहिं एवं मणसीकए समाणे खिप्पा
१. सम्यक्त्वाधिगामिन: ( मवृ ) | २. सपरिचारा ( ख, ग ) 1 ३. सं०पा० तं चैव जाव णो । ४. सं०पा० तं चैव जाव णो ।
Jain Education International
५. परियारणया ( क, ख, घ) प्राय: सर्वत्र । ६. सं०पा० तं चेव जाव मणपरियारणा । ७. वृत्तावपि 'कायपरिचारं कर्तुमिति' दृश्यते ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |