Page Text
________________
एगणतीसइमं उवओगपयं
३२५ ११. बेइंदियाणं पुच्छा। गोयमा ! दुविहे उवओगे पण्णत्ते, तं जहा-सागारे अणागारे य॥
१२. बेइंदियाणं भंते ! सागारोवओगे कतिविहे पण्णत्ते ? गोयमा ! चउविहे पण्णत्ते, तं जहा-आभिणिबोहियणाणसागारोवओगे सुयणाणसागारोवओगे मतिअण्णाणसागारोवओगे सुतअण्णाणसागारोवओगे ॥
१३. बेइंदियाणं भंते ! अणागारोवओगे कतिविहे पण्णत्ते ? गोयमा ! एगे अचक्खुदसणअणागारोवओगे । एवं तेइंदियाण वि ।।
१४. चउरिदियाण वि एवं चेव, णवरं--अणागारोवओगे दुविहे पण्णत्ते, तं जहाचक्खुदंसअणागारोवओगे य अचक्खुदंसणअणागारोवओगे य ।।
१५. पंचेंदियतिरिक्खजोणियाणं जहा' णेरइयाणं मणुस्साणं जहा' ओहिए उवओगे भणियं तहेव भाणियव्वं । वाणमंतर-जोइसिय-वेमाणियाणं जहा णेरइयाणं ।।
१६. जीवा णं भंते ! किं सागारोवउत्ता? अणागारोवउत्ता? गोयमा ! सागारोवउत्ता वि अणागारोवउत्ता वि॥
१७. से केणठेणं भंते ! एवं वुच्चति-जीवा सागारोवउत्ता वि अणागारोवउत्ता वि? गोयमा ! जे णं जीवा आभिणिबोहियणाण-सुतणाण-ओहिणाण-मण-केवलमतिअण्णाण-सुतअण्णाण-विभंगणाणोवउत्ता ते णं जीवा सागारोवउत्ता, जे णं जीवा चक्खुदंसण-अचक्खुदंसण-ओहिदसण-केवलदसणोवउत्ता ते णं जीवा अणागारोवउत्ता। से तेणठेणं गोयमा ! एवं वुच्चति-जीवा सागारोवउत्ता वि अणागारोवउत्ता वि॥
१८. णेरइया णं भंते ! किं सागारोवउत्ता? अणागारोव उत्ता ? गोयमा ! णेरइया सागारोवउत्ता वि अणागारोवउत्ता वि॥
१६. से केणठेणं भंते ! एवं वुच्चति-गोयमा ! जे णं णेरइया आभिणिवोहियणाणसुत-ओहिणाण- मतिअण्णाण-सुतअण्णाण-विभंगणाणोवउत्ता ते णं णेरइया सागारोवउत्ता, जेणं णेरइया चक्खुदंसण-अचक्खुदंसण-ओहिदसणोवउत्ता ते णं णेरइया अणागारोवउत्ता, से तेणठेणं गोयमा ! एवं वुच्चति--णेरइया' सागारोवउत्ता वि अणागारोवउत्ता वि। एवं जाव थणियकुमारा॥
२०. पूढविक्काइयाणं पुच्छा । गोयमा ! तहेव जाव जे णं पुढविकाइया मतिअण्णाणसुतअण्णाणोवउत्ता ते णं पुढविकाइया सागारोवउत्ता, जे णं पुढविकाइया अचक्खुदसणोवउत्ता ते णं पुढविक्काइया अणागारोव उत्ता। से तेणढेणं गोयमा ! एवं वुच्चति जाव वणप्फइकाइया॥
२१. बेइंदियाणं अट्ठसहिया तहेव पुच्छा । गोयमा ! जाव जे णं बेइंदिया आभिणिबोहियणाण-सुतणाण-मतिअण्णाण-सुयअण्णाणोवउत्ता ते णं बेइंदिया सागारोवउत्ता, जे णं बेइंदिया अचक्खुदंसणोवउत्ता ते णं बेइंदिया अणागारोवउत्ता। से तेणठेणं
१.प० २६।५-७ । २.प० २६१-३।
३. जाव(क,ख,ग,घ)। ४. 'से केणठेणं भंते !' इति सूत्रसहिता ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |