________________
एगणतीसइमं उवओगपयं
१. कतिविहे णं भंते ! उवओगे पण्णत्ते ? गोयमा ! दुविहे उवओगे पण्णत्ते, तं जहा-सागारोवओगे य अणागारोवओगे य ।
२. सागारोवओगे णं भंते ! कतिविहे पण्णत्ते ? गोयमा ! अट्टविहे पण्णत्ते, तं जहा-आभिणिबोहियणाणसागरोवओगे सुयणाणसागारोवओगे ओहिणाणसागारोवोगे मणपज्जवणाणसागारोवओगे' केवलणाणसागारोवओगे मतिअण्णाणसागारोवओगे सुयअण्णाणसागारोवओगे विभंगणाणसागारोवओगे।।
३. अणागारोवओगे णं भंते ! कतिविहे पण्णत्ते ? गोयमा ! चउविहे पण्णत्ते, तं जहा-चक्खुदंसणअणागारोवओगे अचक्खुदंसणअणागारोवओगे ओहिदसणअणागारोवओगे केवलदसणअणागारोवओगे।।
४. एवं जीवाणं पि।
५. णेरइयाणं भंते ! कतिविहे उवओगे पण्णत्ते ? गोयमा ! दुविहे उवओगे पण्णत्ते, तं जहा-सागारोवओगे य अणागारोवओगे य ॥
. रइयाणं भंते ! सागारोवओगे कतिविहे पण्णत्ते ? गोयमा ! छविहे पण्णत्ते, तं जहा-मतिणाणसागारोवओगे सुयणाणसागारोवओगे ओहिणाणसागारोवओगे मतिअण्णाणसागारोवओगे सुयअण्णाणसागारोवओगे विभंगणाणसागारोवओगे॥
७. णेरइयाणं भंते ! अणागारोवओगे कतिविहे पण्णत्ते ? गोयमा ! तिविहे पण्णत्ते, तं जहा-चक्खुदंसणअणागारोवओगे अचक्खुदंसणअणागारोवओगे ओहिदसणअणागारोवओगे। एवं जाव थणियकुमाराणं॥
८. पुढविक्काइयाणं पुच्छा । गोयमा ! दुविहे उवओगे पण्णत्ते, तं जहा-सागारोवओगे य अणागारोवओगे य ॥
६. पुढविक्काइयाणं भंते ! सागारोवओगे कतिविहे पण्णत्ते ? गोयमा ! दुविहे पण्णत्ते, तं जहा-मतिअण्णाणे सुतअण्णाणे ॥ १०. पुढविक्काइयाणं भंते ! अणागारोवओगे कतिविहे पण्णत्ते? गोयमा ! एगे
णागारोवओगे पण्णत्ते । एवं जाव वणप्फइकाइयाणं ।।
१. मणपज्जय', मणपज्जाय° (मवृ)।
२. x (क,ख,ग,घ)।
३२४
Jain Education International
For Private & Personal Use Only
www.jainelibrary.org
