________________
पंचवीसइमं कम्मबंधवेयपय
१. कति णं भंते ! कम्मपगडीओ पण्णत्ताओ? गोयमा! अट्ट कम्मपगडीओ पण्णत्ताओ, तं जहा णाणावरणिज्जं जाव अंतराइयं । एवं रइयाणं जाव वेमाणियाणं ॥
२. जीवे णं भंते ! णाणावरणिज्ज कम्मं बंधमाणे कति कम्मपगडीओ वेदेति ? गोयमा ! णियमा अट्ठ कम्मपगडीओ वेदेति । एवं णेरइए जाव वेमाणिए । एवं पुहत्तेण वि॥
३. एवं वेयणिज्जवज्जं जाव अंतराइयं ।।
४. जीवे णं भंते ! वेयणिज्जं कम्मं बंधमाणे कइ कम्मपगडीओ वेदेइ ? गोयमा ! सत्तविहवेयए वा अट्ठविहवेयए वा चउविहवेयए वा । एवं मणूसे वि । सेसा णेरइयाई एगतेण वि पुहत्तेण वि णियमा अट्ट कम्मपगडीओ वेदेति जाव वेमाणिया ॥ .. ५. जीवा णं भंते ! वेदणिज्जं कम्मं बंधमाणा कति कम्मपगडीओ वेदेति ? गोयमा ! सव्वे वि ताव होज्जा अट्ठविहवेदगा य चउविहवेदगा य १ अहवा अट्ठविहवेदगा य चउविहवेदगा य सत्तविहवेदगे य २ अहवा अट्ठविहवेदगा य चउव्विहवेदगा य सत्तविहवेदगा य ३ । एवं मणूसा वि भाणियव्वा ।
Jain Education International
For Private & Personal Use Only
www.jainelibrary.org
