Page Text
________________
तेवीसइमं कम्मपगडिपयं
३०१
वाससहस्साई अबाहा, अबाहूणिया कम्मठिती-कम्मणिसेगो॥
१७८. दसणचउक्कस्स जहा णाणावरणिज्जस्स ॥
१७६. सातावेदणिज्जस्स जहा ओहिया ठिती भणिया तहेव भाणियव्वा इरियावहियबंधयं पडुच्च संपराइयबंधयं च ।।
१८०. असातावेयणिज्जस्स जहा णिद्दापंचगस्स ॥
१८१. सम्मत्तवेदणिज्जस्स सम्मामिच्छत्तवेदणिज्जस्स य जा ओहिया ठिती भणिया तं बंधंति ॥
१८२. मिच्छत्तवेदणिज्जस्स जहण्णेणं अंतोसागरोवमकोडाकोडीओ, उक्कोसेणं सत्तरि सागरोवमकोडाकोडीओ; सत्त य वाससहस्साइं अबाहा, अबाहूणिया कम्मठितीकम्मणिसेगो॥
१८३. कसायबारसगस्स जहण्णेणं एवं चेव, उक्कोसेणं चत्तालीसं सागरोवमकोडाकोडीओ; चत्तालीस य वाससयाइं अबाहा, अबाहणिया कम्मठिती-कम्मणिसेगो।।
१८४. कोह-माण-माया-लोभसंजलणाए य दो मासा मासो अद्धमासो अंतोमुत्तो एयं जहण्णगं, उक्कोसगं पुण जहा कसायबारसगस्स ।।
१८५. चउण्ह वि आउयाणं जा ओहिया ठिती भणिया तं बंधंति ।।
१८६. आहारगसरीरस्स तित्थगरणामाए य जहण्णणं अंतोसागरोवमकोडाकोडीओ. उक्कोसेण वि अंतोसागरोवमकोडाकोडीओ बंधंति ।।
१८७. पुरिसवेदस्स जहण्णेणं अट्ठ संवच्छराई, उक्कोसेणं दस सागरोवमकोडाकोडीओ; दस य वाससयाइं अबाहा, अबाहूणिया कम्मठिती-कम्मणि सेगो ।।
१८८. जसोकित्तिणामाए उच्चागोयस्स य एवं चेव, णवरं -जहण्णणं अट्ठ मुहुत्ता ।। १८६. अंतराइयस्स जहा णाणावरणिज्जस्स ॥
१६०. सेसएसु सव्वेसु ठाणेसु संघयणेसु संठाणेसु वण्णेसु गंधेसु य जहण्णेणं अंतोसागरोवमकोडाकोडीओ, उक्कोसेणं जा जस्स ओहिया ठिती भणिया तं बंधति, णवरं इम णाणत्तं-अवाहा अबाहूणिया ण वुच्चति । एवं आणुपुव्वीए सव्वेसिं जाव अंतराइयस्स ताव भाणियव्वं ॥ जहण्णठिइबंधग-पदं
- १६१. णाणावरणिज्जस्स णं भंते ! कम्मस्स जहण्णठितिबंधए के ? गोयमा ! अण्णयरे सुहमसंपराए-उवसामए वा खवए' वा, एस णं गोयमा ! णाणावरणिज्जस्स कम्मस्स जहण्णठितिबंधए, तव्वइरित्ते अजहण्णे । एवं एतेणं अभिलावेणं मोहाउयवज्जाणं सेसकम्माणं भाणियव्वं ।।
१६२. मोहणिज्जस्स णं भंते ! कम्मस्स जहण्णठितिबंधए के ? गोयमा! अण्णयरे बायरसंपराए-उवसामए वा खवए वा, एस णं गोयमा ! मोहणिज्जस्स कम्मस्स जहण्णठितिबंधए, तव्वतिरित्ते अजहण्णे ॥
१६३. आउयस्स णं भंते ! कम्मस्स जहण्णठितिबंधए के ? गोयमा ! जे णं जीवे
१. खवगए (क,ग,घ); खमए (ख) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |