Page Text
________________
पण्णवणासुतं
६८. तिरिक्खजोणिय पंचेंद्रिय वे उव्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगुलस्स संखेज्जइभागं, उक्कोसेणं जोयणसतपुहत्तं ॥
६६. मणूस पंचेंदियवे उव्वियसरीररस्स णं भंते! केमहालिया सरीरोगाहणा पण्णत्ता ? गोमा ! जहणेणं अंगुलस्स संखेज्जइभागं, उक्कोसेणं सातिरेगं जोयणसतसहस्सं ॥
२६८
७०. असुरकुमारभवणवासिदेव पंचि दियवे उव्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! असुरकुमाराणं देवाणं दुविहा सरीरोगाहणा पण्णत्ता, तं जहा - भवधारणिज्जा य उत्तरवेउब्विया य । तत्थ णं जासा भवधारणिज्जा सा जहणेणं अंगुलस्स असंखेज्जइभागं, उक्कोसेणं सत्त रयणीओ । तत्थ णं जासा उत्तरवे उब्विया सा जहणेणं अंगुलस्स संखेज्जइभागं, उक्कोसेणं जोयणसतसहस्सं । एवं जाव थणियकुमाराणं । एवं ओहियाणं वाणमंतराणं । एवं जोइसियाण वि । सोहम्मीसाणगदेवाणं एवं चैव उत्तरउब्विया जाव अच्चुओ कप्पो, णवरं - सणकुमारे भवधारणिज्जा जहणणेणं अंगुलस्स असंखेज्जइभागं, उक्कोसेणं छ रयणीओ । एवं माहिंदे वि । बंभलोय-लंतगेसु पंच रयणीओ। महासुक्क सहस्सारेसु चत्तारि रयणीओ । आणय-पाणय-आरण-अच्चुएसु तिण्णि
रणीओ ॥
७१. गेवेज्जगकप्पातीतवेमाणियदेवपंचेंदियवे उब्वियसरीरस्स णं भंते ! केमहालिया सरीरोगाहणा पण्णत्ता ? गोयमा ! गेवेज्जगदेवाणं एगा भवधारणिज्जा सरीरोगाहणा पण्णत्ता । सा जहणेणं अंगुलस्स असंखेज्जइभागं, उक्कोसेणं दो रयणीओ । एवं अणुत्तरोववाइयदेवाण वि, णवरं - एक्का रयणी ॥
आहारगसरीरे विहि-पदं
७२. आहारगसरीरे णं भंते ! कतिविहे पण्णत्ते ? गोयमा ! एगागारे पण्णत्ते । जदि एगागारे पण्णत्ते किं मणूस आहारगसरीरे ? अमणूस आहारगसरीरे ? गोयमा ! मणूस - आहारगसरीरे, णो अमणूस आहारगसरीरे ।
जदि मणूस आहारगसरीरे किं सम्मुच्छिममणूस आहारगसरीरे ? गब्भवक्कंतियमणूस आहारंगसरीरे ? गोयमा ! णो सम्मुच्छिममणूस आहारगसरीरे, गब्भवक्कंतिय मणूस आहारगसरीरे ।
भवति मणूस आहारगसरीरे किं कम्मभूमगगब्भवक्कंतियमणूस आहारगसरीरे ? अकम्मभूमगगब्भवक्कं तियमणूस आहारगसरीरे ? अंतरदीवगगन्भवक्कंतियमणूस आहारगसरीरे ?" गोयमा ! कम्मभूमग गब्भवक्कं तियमणूस आहारगसरीरे, णो अकम्मभूमगगब्भवक्कंतियमणूस आहारगसरीरे, णो अंतरदीवगगब्भवक्कंतिय मणूस आहारगसरीरे । किम्भूमभवक्कंतियमणूस आहारगसरीरे किं संखेज्जवासाउयकम्मभूमगगब्भवक्कंतियमणूस आहारगसरी रे? असंखेज्जवासा उयकम्मभूमगगब्भवक्कं तियमणूस आहारगसरीरे ? गोयमा ! संखेज्जवासाउयकम्मभूमगगन्भवक कंतिय मणूस आहारगसरीरे, णो असंखेज्जवासाउयकम्मभूमगगब्भवक्कं तियमणूस आहारगसरीरे ।
जदि संखेज्जवासाउयकम्मभूमगगब्भवक्कंतियमणूस आहारगसरीरे किं पज्जत्तगसंखेज्जवासाउयकम्मभूमगगब्भवक्कंतियमणूस आहारगसरीरे ? अपज्जत्तगसंखेज्जवासा उयकम्मभूमगगब्भवक्कंतिय मणूस आहारगसरीरे ? गोयमा ! पज्जत्तगसंखेज्जवासाउयकम्मभूम गगब्भ
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |