Page Text
________________
२६६
पण्णवणासुत्तं
जदि संखेज्जवासाउयकम्मभूमगगब्भवक्कंतियमणूसपंचेंदियवेउव्वियसरीरे किं पज्जत्तगसंखेज्जवासाउयकम्मभूमगगब्भवक्कंतियमणूसपंचेंदियवेउव्वियसरीरे ? अपज्जत्तगसंखेज्जवासाउयकम्मभूमग गब्भवक्कंतियमणूसपंचेंदियवेउव्वियसरीरे ? गोयमा ! पज्जत्तगसंखेज्जवासाउयकम्मभूमगगब्भवक्कंतियमणूसपंचेंदियवेउव्वियसरीरे, णो अपज्जत्तगसंखेज्जवासाउयकम्मभूमगगब्भवक्कंतियमणूसपंचेंदियवेउव्वियसरीरे ।।
५५. जदि देवपंचेंदियवे उव्वियसरीरे किं भवणवासिदेवपंचेंदियवेउव्वियसरीरे जाव वेमाणियदेवपंचेंदियवेउव्वियसरीरे ? गोयमा ! भवणवासिदेवपंचेंदियवेउव्वियसरीरे वि जाव वेमाणियदेवपंच दियवेउव्वियसरीरे वि। जदि भवणवासिदेवपंचेंदियवेउव्वियसरीरे कि असुरकूमारभवणवासिदेवपंचें दियवेउव्वियसरीरे जाव थणियकुमारभवणवासिदेवपंचेंदियवेउव्वियसरीरे ? गोयमा ! असुरकुमार जाव थणियकूमारभवणवासिदेवपंचेंदियवेउव्वियसरीरे वि। जदि असुरकुमारभवणवासिदेवपंचेंदियवेउव्वियसरीरे किं पज्जत्तगअसुरकुमारभवणवासिदेवपंचेंदियवेउव्वियसरीरे ? अपज्जत्तगअसुरकुमारभवणवासिदेवपंचेंदियवेउव्वियसरीरे ? गोयमा ! पज्जत्तगअसुरकुमारभवणवासिदेवपंचेंदियवेउब्वियसरीरे वि अपज्जत्तगअसुरकुमारभवणवासिदेवपंचेंदियवेउव्वियसरीरे वि। एवं जाव थणियकुमाराणं दुगओ भेदो। एवं वाणमंतराणं अट्टविहाणं, जोइसियाणं पंचविहाणं । वेमाणिया दुविहाकप्पोवगा कप्पातीता य। कप्पोवगा बारस विहा। तेसि पि एवं चेव दगतो भेदो। कप्पातीता दुविहा-गेवेज्जगा य अणुत्तरा य। गेवेज्जगा णवविहा । अणुत्तरोववाइया पंचविहा । एतेसिं पज्जत्तापज्जत्ताभिलावेणं दुगतो भेदो॥ वेउव्वियसरीरे संठाण-पदं
५६. वेउव्वियसरीरे णं भंते ! किसंठिए पण्णत्ते? गोयमा ! णाणासंठाणसंठिए पण्णत्ते॥
५७. वाउक्काइयएगिदियवेउब्बियसरीरे णं भंते ! किंसंठिए पण्णत्ते ? गोयमा ! पडागासंठाणसंठिए पण्णत्ते ॥
५८. णेरइयपंचेंदियवेउव्वियसरीरे णं भंते ! किंसंठाणसंठिए पण्णत्ते ? गोयमा ! णेरइयपंचेंदियवे उव्वियसरीरे दुविहे पण्णत्ते, तं जहा-भवधार णिज्जे य उत्तरवेउव्विए य । तत्थ णं जेसे भवधारणिज्जे से हुंडसंठाणसंठिए पण्णत्ते । तत्थ णं जेसे उत्तरवेउव्विए से वि हुंडसंठाणसंठिए पण्णत्ते ॥
५६. रयणप्पभापुढविणे रइयपंचेंदियवेउव्वियसरीरे णं भंते! किंसठाणसंठिए पण्णत्ते? गोयमा ! रयणप्पभापुढविणेरइयाणं दुविहे सरीरे पण्णत्ते, तं जहा ---भवधारणिज्जे य उत्तरवेउव्विए य। तत्थ णं जेसे भवधारणिज्जे से वि हुंडे, जे वि उत्तरवेउविए से वि हंडे । एवं जाव अहेसत्तमापुढविणेरइयवेउव्वियसरीरे ।।।
६०. तिरिक्ख जोणियपंचेंदियवेउव्वियसरीरे णं भंते ! किंसंठाणसंठिए पण्णत्ते ? गोयमा ! णाणासंठाणसंठिए पण्णत्ते । एवं जलयर-थलयर-खहयराण वि। थलयराण चउप्पय-परिसप्पाण वि । परिसप्पाण उरपरिसप्प-भुयपरिसप्पाण वि। एवं मणूसपंचेंदियवेउब्वियसरीरे वि॥
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |