________________
पण्णवणासुत्तं कप्पे। किब्बि सियाणं जहष्णेणं सोहम्मे कप्पे, उक्कोसेणं लंतए कप्पे। तेरिच्छियाणं जहण्णेणं भवणवासीसु, उवकोसेणं सहस्सारे कप्पे। आजीवियाणं जहणणं भवणवासीसु, उक्कोसेणं अच्चुए कप्पे । एवं आभिओगाण वि। सलिंगीणं दंसणवावण्णगाणं जहण्णेणं भवणवासीसु, उक्कोसेणं उवरिमगेवेज्जएसु ॥ असण्णिआउय-पदं
६१. कतिविहे णं भंते ! असण्णिआउए पण्णत्ते ? गोयमा ! चउविहे असण्णिआउए पण्णत्ते, तं जहा-णेरइयअसण्णिआउए जाव देवअसण्णिआउए ।
६३. असण्णी णं भंते ! जीवे किं णेरइयाउयं पक रेति जाव देवाउयं पकरेति ? गोयमा ! णेरइयाउयं पकरेति जाव देवाउयं पक रेति । णेरइयाउयं पकरेमाणे जहण्णेणं दस वाससहस्साई उक्कोसेणं पलिओवमस्स असंखेज्जइभागं पकरेति । तिरिक्खजोणियाउयं पकरेमाणे जहण्णेणं अंतोमुहत्तं, उक्कोसेणं पलिओवमस्स असंखेज्जइभागं पकरेति । एवं मणुयाउयं पि । देवाउयं जहा णेरइयाउयं ॥
६४. एयस्स णं भंते ! णेरइयअसण्णिआउयस्स जाव देवअसण्णिआउयस्स य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवे देवअसण्णिआउए, मणुयअसण्णिआउए असंखेज्जगुणे, तिरिक्खजोणियअसण्णिआउए असंखेज्जगुणे, नेरइयअसण्णिआउए असंखेज्जगुणे ॥
Jain Education International
For Private & Personal Use Only
www.jainelibrary.org
