Page Text
________________
सत्तरसमं लेस्सापयं
४६. सम्मुच्छिममणुस्साणं पुच्छा । गोयमा ! जहा रइयाणं ॥
४७. गब्भवक्कंतियमणूसाणं पुच्छा । गोयमा ! छल्लेसाओ, तं जहा कण्हलेस्सा जाव सुक्कलेसा ॥
४८. मणुस्सीणं पुच्छा । गोयमा ! एवं चेव ।।
४६. देवाणं पुच्छा । गोयमा ! छ एताओ चैव ॥
५०. देवीणं पुच्छा । गोयमा ! चत्तारि, तं जहा -- कण्हलेस्सा जाव तेउलेस्सा ||
५१. भवणवासीणं भंते ! देवाणं पुच्छा । गोयमा ! एवं चेव । एवं भवणवासिणीण
वि ॥
५२. वाणमंतरदेवाणं पुच्छा । गोयमा ! एवं चेव । एवं वाणमंतरीण वि ।। ५३. जोइसियाणं पुच्छा । गोयमा ! एगा तेउलेस्सा । एवं जोइसिणीण वि ॥ ५४. वैमाणियाणं पुच्छा । गोयमा ! तिण्णि, तं जहा - तेउलेस्सा पम्हलेस्सा सुक्क
लेस्सा ॥
५५. वेमाणिणीणं पुच्छा । गोयमा ! एगा तेउलेसा ||
अप्पा बहु-पदं
५६. एतेसि णं भंते ! सलेस्साणं जीवाणं कण्हलेस्साणं जाव सुक्कलेस्साणं अलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सुक्कलेस्सा, पम्हलेस्सा संखेज्जगुणा, तेउलेस्सा संखेज्जगुणा, अलेस्सा अनंतगुणा, काउलेस्सा अनंतगुणा, णीललेस्सा विसेसाहिया, कण्हलेस्सा विसेसा हिया, सलेस्सा विसेसाहिया ||
५७. एतेसि णं भंते! णेरइयाणं कण्हलेस्साणं नीललेस्साणं काउलेस्साण य कतरे कतरेहितो अप्पा वा बहुया वा तुल्ला वा विसेसाहिया वा गोयमा ! सव्वत्थोवा णेरइया कण्हलेस्सा, नीललेस्सा असंखेज्जगुणा, काउलेस्सा असंखेज्जगुणा ||
५८. एतेसि णं भंते! तिरिक्खजोणियाणं कण्हलेस्साणं जाव सुक्कलेस्साण य कतरे कतरेहितो अप्पा वा वहुया वा तुल्ला वा विसेसाहिया वा ? गोयमा ! सव्वत्थोवा तिरिक्खजोणिया सुक्कलेसा, एवं जहा' ओहिया, णवरं - अलेस्सवज्जा' ।।
५६. एतेसि णं भंते ! एगिदियाणं कण्हलेस्साणं जाव तेउलेस्साण य कतरे कतरेहिंतो अप्पा वा बहुया वातुल्ला वा विसेसाहिया वा ? गोयमा ! सव्वत्थोवा एगिदिया तेउलेस्सा, काउलेस्सा अनंतगुणा, नीललेस्सा विसेसाहिया, कण्हलेस्सा विसेसाहिया ||
६०. एतेसि णं भंते ! पुढविक्काइयाणं कण्हलेस्साणं जाव तेउलेस्साण य कतरे कतरेहितो अप्पा वा बहुया वा तुल्ला वा विसेसा हिया वा ? गोयमा ! जहा ओहिया एगिदिया, गवरं - काउलेस्सा असंखेज्जगुणा । एवं आउक्कायइयाण वि ॥
६१. एतेसि णं भंते! तेउक्काइयाणं कण्हलेस्साणं णीललेस्साणं काउलेस्साणं य
नवरमलेश्यावर्जास्तिरश्चाम लेश्यानामसम्भ
१. प० १७।५६ ।
२. अलेससले सवज्जा ( क, ख, ग, घ ) ; मलयगिरिवृत्तौ 'अलेश्यावर्जा:' इति पाठ: सम्मतोस्ति
२२१
Jain Education International
वात् ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |