________________
पण्णवणासुतं
३३. तेउलेस्साणं भंते ! असुरकुमाराणं ताओ चेव पुच्छाओ । गोयमा ! जहेव' ओहिया तहेव, णवरं वेदणाए जहा' जोतिसिया । पुढवि आउ-वणस्सइ-पंचेंदियतिरिक्खमणूस हा ओहिया तव भाणियव्वा णवरं - मणूसा किरियाहि जे संजया ते पमत्ता य अपमत्ताय भाणियव्वा, सरागा वीयरागा णत्थि ॥
३४. वाणमंतरा तेउलेस्साए जहा असुरकुमारा एवं जोतिसिय-वेमाणिया वि । सेसं तं
चेव ॥
२२०
३५. एवं पम्हस्सा वि भाणियव्वा, नवरं - जेसि अत्थि । सुक्कलेसा वि तहेव जेसि अत्थि । सव्वं तहेव जहा ओहियाणं गमओ, णवरं - पम्हलेस्स - सुक्कलेस्साओ पंचेंदियतिरिक्खजोणिय - मणूस - वैमाणियाणं चेव, ण सेसाणं ति ॥
बीओ उद्देओ
लेस्सा-पदं
३६. कति णं भंते! लेस्साओ पण्णत्ताओ ? गोयमा ! छल्लेस्साओ पण्णत्ताओ, तं जहा - कण्हलेस्सा णीललेस्सा काउलेस्सा तेउलेस्सा पम्हलेस्सा सुक्कलेस्सा ॥ चवीसदंड सु लेस्सापरूवण-पदं
३७. रइयाणं भंते ! कति लेस्साओ पण्णत्ताओ ? गोयमा ! तिण्णि, तं जहाकिहलेस्सा नीललेस्सा काउलेस्सा ॥
३८ तिरिक्खजोणियाणं भंते ! कति लेस्साओ पण्णत्ताओ ? गोयमा ! छल्लेस्साओ, तं जहा - कण्हलेस्सा जाव सुक्कलेस्सा ||
३६. एगिंदियाणं भंते ! कति लेस्साओ पण्णत्ताओ ? गोयमा ! चत्तारि लेस्साओ, तं जहा -- कण्हलेस्सा जाव तेउलेस्सा ||
४०. पुढविक्काइयाणं भंते ! कति लेस्साओ ? गोयमा ! एवं चेव आउ-वणप्फतिकाइयाणवि एवं चेव । तेउ वाउ - बेइंदिय- तेइंदिय - चउरिदियाणं जहा णेरइयाणं ॥ ४१. पंचेंदियतिरिक्खजोणियाणं पुच्छा । गोयमा ! छल्लेस्साओ - कण्हलेस्सा जाव सुक्कलेसा ॥
४२. सम्मुच्छिपंचेंदियतिरिक्खजोणियाणं पुच्छा । गोयमा ! जहा णेरइयाणं || ४३. गब्भवक्कतियपंचेंदियतिरिक्खजोणियाणं पुच्छा । गोयमा ! छल्लेसाओ, तं जहा - कण्हलेस्सा जाव सुक्कलेस्सा ||
४४. तिरिक्खजोणिणीणं पुच्छा । गोयमा ! छल्लेस्साओ एताओ चैव ॥ ४५. मणुस्साणं पुच्छा । गोयमा ! छल्लेसाओ एताओ चेव ।।
३. प० १७।१८-२५ ।
१. प० १७।१४-१७ ।
२. प० १७।२७ ।
Jain Education International
For Private & Personal Use Only
www.jainelibrary.org
