Page Text
________________
पण्णवणा सुत्त
असुरकुमारा णो सव्वे समवण्णा । एवं लेस्साए वि । वेदणाए जहा' णेरइया । अवसेसं जहा इया । एवं जाव थणियकुमारा ॥
दि- विलदिए समाहारादि-पदं
२१८
१८. पुढविक्काइया आहार- कम्म वण्ण-लेस्साहि जहा रइया ||
१६. पुढविक्काइया णं भंते ! सव्वे समवेदणा ? हंता गोयमा ! सव्वे समवेदना || २०. से केणट्ठेणं भंते ! एवं वुच्चति ? गोयमा ! पुढविक्काइया सव्वे असण वेदणं वेदेति । से तेणट्ठेणं गोयमा ! एवं वच्चइ - पुढविक्काइया
अण्णीभूयं अणि सव्वे समवेदना ||
सव्वे समकिरिया ? हंता गोयमा ! पुढविक्काइया
सव्वे समकिरिया |
२२. से केणट्ठेणं ? गोयमा ! पुढविक्काइया सव्वे माइमिच्छद्दिट्ठी, तेसि णेयतियाओ पंच किरियाओ कज्जंति, तं जहा – आरंभिया परिग्गहिया मायावत्तिया अपच्चक्खाणकिरिया मिच्छादंसणवत्तिया । एवं जाव चउरिदिया || पंचिदियतिरिक्खजोणिएसु समाहारदि-पदं
२१. पुढविकाइयाणं भंते!
२३. पंचिदियतिरिक्खजोणिया जहा णेरइया, णवरं - किरियाहि सम्मद्दिट्ठी मिच्छद्दिट्ठी सम्मामिच्छद्द्द्दिट्ठी । तत्थ णं जेते सम्मद्दिट्ठी ते दुविहा पण्णत्ता, तं जहा --- असंजयाय संजया संजया य । तत्थ णं जेते संजयासंजया तेसि णं तिष्णि किरियाओ कज्जति, तं जहा- आरंभिया परिग्गहिया मायावत्तिया । तत्थ णं जेते असंजया तेसि णं चत्तारि किरियाओ कज्जंति, तं जहा- आरंभिया परिग्गहिया मायावत्तिया अपच्चक्खाणकिरिया । तत्थ णं जेते मिच्छद्दिट्ठी जे य सम्मामिच्छद्दिट्ठी तेसि णं णियतियाओ पंच किरियाओ कज्जंति, तं जहा- आरंभिया परिग्गहिया मायावत्तिया अपच्चक्खाणकिरिया मिच्छा दंसणवत्तिया । सेसं तं चेव ।।
मस्से समाहारादि-पदं
२४. मणूसाणं भंते ! सव्वे समाहारा ? गोयमा ! णो इणट्ठे' समट्ठे ||
२५. सेकेणट्ठे ? गोयमा ! मणूसा दुविहा पण्णत्ता, तं जहा- महासरीरा य अप्पसरीरा य । तत्थ णं जेते महासरीरा ते णं बहुतराए पोग्गले आहारैति जाव बहुतराए पोग्गले णीससंति, आहच्च आहारेंति जाव' आहच्च णीससंति । तत्थ णं जेते अप्पसरीरा ते णं अप्पतराए पोग्गले आहारैति जाव अप्पतराए पोग्गले णीससंति अभिक्खणं आहाति जाव अभिक्खणं नीससंति । से तेणट्ठेणं गोयमा ! एवं वुच्चति - मणूसा णो सव्वे समाहारा । सेसं जहा' णेरइयाणं, नवरं किरियाहि मणूसा तिविहा पण्णत्ता, तं जहा --
१. ५० १७८, ६
२. प० १७।१०-१३ ।
३. प० १७।१-७ ।
४. X ( ख ) ।
५. प० १७११-१३ ।
Jain Education International
६. इणमट्ठे (क); तिणट्ठे (ख, घ ) ।
७. प० १७।२ ।
८.
६.
( ख, ग, घ ) ।
० १७।२-१३ ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |