Page Text
________________
सत्तरसम लेस्सापयं
२१७
ते णं विसुद्धवण्णतरागा। तत्थ णं जेते पच्छोववण्णगा ते णं अविसुद्धवण्णतरागा। से तेणठेणं' गोयमा ! एवं वुच्चति-णेरइया णो सव्वे समवण्णा ।।
७. एवं जहेव वण्णेण भणिया तहेव लेस्सासु वि विसुद्धलेस्सतरागा अविसुद्धलेस्सतरागा य भाणियव्वा ॥
८. णेरइया णं भंते ! सव्वे समवेदणा ? गोयमा ! णो इणठे समझें ॥
६. से केण?णं भंते ! एवं वुच्चति–णेरइया णो सव्वे समवेदणा? गोयमा ! णेरइया दुविहा पण्णत्ता, तं जहा–सण्णिभूया य असण्णिभूया य । तत्थ णं जेते सण्णिभूया ते णं महावेदणतरागा। तत्थ णं जेते असण्णिभूया ते णं अप्पवेदणतरागा। से तेणठेणं गोयमा ! एवं वुच्चति-नेरइया णो सव्वे समवेदणा ।।
१०. रइया णं भंते ! सव्वे समकिरिया ? गोयमा ! णो इणठे समठे।
११. से केणठेणं भंते ! एवं वुच्चति-णेरइया णो सव्वे समकिरिया ? गोयमा ! रइया तिविहा पण्णत्ता, तं जहा-सम्मद्दिट्ठी मिच्छद्दिट्ठी सम्मामिच्छद्दिट्टी। तत्थ णं जेते सम्मट्टिी तेसि णं चत्तारि किरियाओ कज्जंति, तं जहा-आरंभिया परिग्गहिया मायावत्तिया अपच्चक्खाणकिरिया। तत्थ णं जेते मिच्छद्दिट्ठी जे य' सम्मामिच्छट्टिी तेसि णं णियतियाओ' पंच किरियाओ कज्जंति, तं जहा-आरंभिया परिग्गहिया मायावत्तिया अपच्चक्खाणकिरिया मिच्छादसणवत्तिया। से तेणढेणं गोयमा ! एवं वुच्चतिणेरइया णो सव्वे समकिरिया ॥
१२. णेरइया णं भंते ! सव्वे समाउया ? गोयमा ! णो इणठे समठे ।।
१३. से केणट्टेणं भंते ! एवं वुच्चइ ? गोयमा ! णेरइया चउन्विहा पण्णत्ता, तं जहा-अत्थेगइया समाउया समोववण्णगा अत्थेगइया समाउया विसमोववण्णगा अत्थेगइया विसमाउया समोववण्णगा अत्थेगइया विसमाउया विसमोववण्णगा। से तेणठेणं गोयमा ! एवं वुच्चइ-णेरइया णो सव्वे समाउया णो सव्वे समोववण्णगा। भवणवासिसु समाहारादि-पदं
१४. असुरकुमारा णं भंते ! सव्वे समाहारा ? स चेव पुच्छा । गोयमा ! णो इणठे समठे, जहाणेरइया ॥
१५. असुरकुमारा णं भंते ! सव्वे समकम्मा ? गोयमा ! णो इणठे समझें ॥
१६. से केणठेणं भंते ! एवं वुच्चति ? गोयमा ! असुरकुमारा दुविहा पण्णत्ता, तं जहा-पुव्वोववण्णगा य पच्छोववण्णगा य । तत्थ णं जेते पुव्वोववण्णगा ते णं महाकम्मतरागा। तत्थ णं जेते पच्छोववण्णगा ते णं अप्पकम्मतरागा। से तेणठेणं गोयमा ! एवं वुच्चति-असुरकुमारा णो सव्वे समकम्मा ॥
१७. एवं वण्ण-लेस्साए पच्छा। तत्थ णं जेते पव्वोववण्णगाते णं अविसद्धवण्णतरागा। तत्थ णं जेते पच्छोववण्णगा ते णं विसुद्धवण्णतरागा । से तेणठेणं गोयमा ! एवं वुच्चति -
१. एएणठेणं (घ)। २. X (क,ख,ग,घ)। ३. णिवतिताओ (क); नियनियाओ (ख,घ),
नियताओ (ग)। ४.५० १७११,२।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |