Page Text
________________
२१४
पण्णवणासुतं ४४. से किं तं मंडूयगती ? मंड्यगती-जण्णं मंडूए उप्फिडिया-उप्फिडिया गच्छति । से तं मंड्यगती॥
४५. से किं तं णावागती ? णावागती-जण्णं णावा पुव्ववेयालीओ दाहिणवेयालि जलपहेणं गच्छति, दाहिणवेयालीओ वा अवरवेयालि जलपहेणं गच्छति । से तं णावागती।।
४६. से किं तं णयगती ? णयगती-जण्णं णेगम-संगह-ववहार-उज्जुसुय-सद्दसमभिरूढ-एवंभूयाणं णयाणं जा गती, अहवा सव्वणया विजं इच्छंति । से तं णयगती॥
४७. से किं तं छायागती? छायागती जण्ण हयच्छायं वा गयच्छायं वा नरच्छायं वा किन्नरच्छायं वा महोरगच्छायं वा गंधव्वच्छायं वा उसहच्छायं वा रहच्छायं वा छत्तच्छायं वा उवसंपज्जित्ताणं गच्छति । से तं छायागती ।।
४८. से किं तं छायाणुवायगती ? छायाणुवायगतो--जण्णं पुरिसं छाया अणुगच्छति णो पुरिसे छायं अणुगच्छति । से तं छायाणुवायगती ।।
४६. से किं तं लेस्सागती ? लेस्सागती-जण्णं कण्हलेस्सा णीललेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो-भुज्जो परिणमति । एवं गीललेस्सा काउलेस्सं पप्प तारूवत्ताए जाव ताफासत्ताए परिणमति । एवं काउलेस्सा वि तेउलेस्सं, तेउलेस्सा वि पम्हलेस्सं, पम्हलेस्सा वि सुक्कलेस्सं पप्प तारूवत्ताए जाव ताफासत्ताए परिणमति । से तं लेस्सागती ॥
५०. से किं तं लेस्साणुवायगती ? लेस्साणवायगती-जल्लेस्साई दव्वाइं परियाइत्ता कालं करेति तल्लेस्सेसु उववज्जति, तं जहा--कण्हलेस्सेसु वा जाव सुक्कलेस्सेसु वा । से तं . लेस्साणुवायगती।
५१. से कि तं उद्दिस्सपविभत्तगती ? उद्दिस्सपविभत्तगती-जेणं आयरियं' वा उवज्झायं वा थेरं वा पवत्ति वा गणि वा गणहरं वा गणावच्छेइयं वा उद्दिसिय-उद्दिसिय गच्छति । से तं उहिस्सपविभत्तगती ।।
५२. से किं तं चउपुरिसपविभत्तगती ? च उपुरिसपविभत्तगती से जहाणामएचत्तारि पुरिसा 'समगं पट्ठिता समगं पज्जुवट्ठिया समगं पट्ठिया विसमं पज्जुवट्ठिया विसमं पट्टिया समगं पज्जुवट्टिया विसमं पट्ठिया विसमं पज्जुवट्टिया"। से तं च उपुरिसपविभत्तगती ।।
५३. से किं तं वंकगती ? वंकगती चउव्विहा पण्णत्ता, तं जहा-घट्टणया थंभणया लेसणया पवडणया। से तं वंकगती।
५४. से किं तं पंकगती ? पंकगती से जहाणामए–केइ पुरिसे सेयंसि' वा पंकसि वा
१. उद्दिसियवि (ख,घ); उद्दिसियपवि॰ (ग)। २. आयरितं (क)। ३. उद्दिसियपवि° (क,ग); उद्दिसियवि°
(ख,घ) ४. समगं पज्जवट्ठिया समगं पट्ठिया, विसमं
पज्जवट्ठिया विसमं पट्ठिया, समगं पज्जवट्ठिया, विसमं पटिया समं पज्जवट्ठिया समं
पट्ठिया (ख,घ) ; 'ग' प्रतौ सर्वत्र ‘पज्जुवट्ठिया' दश्यते । मुनिपुण्यविजयजी सम्पादिते प्रज्ञापनासूत्रे मुद्रितवृत्तौ च चतुर्ध्वपिस्थानेषु 'पज्जवट्ठिया' इति पदं दृश्यते। हस्तलिखितवृत्तौ
'पज्जुवट्ठिया इति पदं लभ्यते। ५. सेइंसि (क,ग) x (ख,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |