Page Text
________________
सोलसमं पओगपयं
पोग्गले लोगस्स पुरथिमिल्लाओ चरिमंताओ पच्चत्थिमिल्लं' चरिमंतं एगसमएणं गच्छति, पच्चस्थिमिल्लाओ वा चरिमंताओ पुरथिमिल्लं चरिमंतं एगसमएणं गच्छति, दाहिणिल्लाओ वा चरिमंताओ उत्तरिल्लं चरिमंतं एगसमएणं गच्छति, एवं उत्तरिल्लाओ दाहिणिल्लं, उवरिल्लाओ हेट्ठिल्लं, हेट्ठिल्लाओ वा उवरिल्लं । से तं पोग्गलणोभवोववायगती॥
३५. से किं तं सिद्धणोभवोववायगती ? सिद्धणोभवोववायगती दुविहा पण्णत्ता, तं जहा-अणंतरसिद्धणोभवोववायगती य परंपरसिद्धणोभवोववायगती य॥
३६. से किं तं अणंतरसिद्धणोभवोववायगती ? अणंतरसिद्धणोभवोववायगती पन्नरसविहा पण्णत्ता, तं जहा-तित्थसिद्धअणंतरसिद्धणोभवोववायगती' य जाव अणेगसिद्धणोभवोववायगती' य [से तं अणंतरसिद्धणोभवोववायगती?]
३७. से किं तं परंपरसिद्धणोभवोववायगती? परंपरसिद्धणोभवोववायगती अणेगविद्या पण्णत्ता, तं जहा-अपढमसमयसिद्धणोभवोववायगत
सद्धणोभवोववायगती जाव अणंतसमयसिद्धणोभवोववायगती । से तं परंपरसिद्धणोभवोववायगती । से तं सिद्धणोभवोववायगती। से तं णोभवोववायगती। से तं उववायगती ॥ विहायगति-पदं
३८. से किं तं विहायगती ? विहायगती सत्तरस विहा पण्णत्ता, तं जहा-फुसमाणगती अफुसमाणगती उवसंपज्जमाणगती अणुवसंपज्जमाणगती पोग्गलगती मंडूयगती णावागती णयगती छायागती छायाणुवायगती लेसागती लेस्साणुवायगती उद्दिस्सपविभत्तगती' चउपूरिसपविभत्तगती वंकगती पंकगती बंधणविमोयणगती॥
३६. से किं तं फुसमाणगती ? फुसमाणगती-जण्णं परमाणुपोग्गले दुपदेसिय जाव अणंतपदेसियाणं खंधाणं अण्णमण्णं फुसित्ता णं गती पवत्तइ । से तं फुसमाणगती।
४०. से किं तं अफुसमाणगती ? अफुसमाणगती-जण्णं एतेसिं चेव अफुसित्ता णं गती पवत्तइ । से तं अफुसमाणगती॥
४१. से किं तं उवसंपज्जमाणगती ? उवसंपज्जमाणगती-जण्णं रायं वा जुवरायं वा ईसरं वा तलवरं वा माडंबियं वा कोडुंबियं वा इन्भं वा सेटुिं वा सेणावई वा सत्थवाहं वा उवसंपज्जित्ता णं गच्छति । से तं उवसंपज्जमाणगती॥
४२. से किं तं अणुवसंपज्जमाणगती ? अणुवसंपज्जमाणगती-जण्णं एतेसिं चेव अण्णमण्णं अणवसंपज्जित्ता णं गच्छति । से तं अणवसंपज्जमाणगती ।।
४३. से किं तं पोग्गलगती ? पोग्गलगती-जण्णं परमाणुपोग्गलाणं जाव अणंतपएसियाणं खंधाणं गती पवत्तति । से तं पोग्गलगती॥
उद्दिसिय
१. पच्छिमिल्लं (पु)। २. 'अणंतरणो° (ख,ग,घ)। ३. अस्मिन् पदे 'अणंतरसिद्ध' इति पदं नोल्लि- खितमस्ति । किन्तु पूर्वक्रमेण युज्यते। अग्रिम- सूत्रे 'परंपरसिद्ध' पदस्यापि एषैव स्थिति- रस्ति ।
४. उद्दिसियविभत्त° (क,ख,घ);
पविभत्त' (ग)। ५ चउपुरिसविभत्त° (ख,घ)। ६. बंधणमोयण (ग)। ७. सिट्ठि (घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |