Page Text
________________
सोलसमं पओगपयं
२०७
सरीरकायप्पओगे वेउव्वियमीससरीरकायप्पओगे कम्मासरीरकायप्पओगे॥
८. मणूसाणं पुच्छा । गोयमा ! पण्णरसविहे पओगे पण्णत्ते, तं जहा- सच्चमणप्पओगे जाव कम्मासरीरकायप्पओगे।। ___. वाणमंतर-जोतिसिय-वेमाणियाणं जहा णेरइयाणं ॥ जीवेसु विभागेणं पओग-पदं
१०. जीवा णं भंते ! किं सच्चमणप्पओगी जाव कि कम्मासरीरकायप्पओगी? गोयमा ! जीवा सव्वे वि ताव होज्जा सच्चमणप्पओगी वि जाव वेउव्वियमीससरीरकायप्पओगी वि कम्मासरीरकायप्पओगी वि, अहवेगे य आहारगसरीरकायप्पओगी य १ अहवेगे य आहारगसरीरकायप्पओगिणो य २ अहवेगे य आहारगमीससरीरकायप्पयोगी य ३ अहवेगे य आहारगमीससरीरकायप्पओगिणो य ४ चउभंगो, अहवेगे य आहारगसरीरकायप्पओगी य आहारगमीसासरीरकायप्पओगी य १ अहवेगे य आहारगसरीरकायप्पओगी य आहारगमीसासरीरकायप्पओगिणो य २ अहवेगे य आहारगसरीरकायप्पओगिणो
य ३ अहवेग य आहारगसरीरकायप्पओगिणो य आहारगमीसासरीरकायप्पओगिणो य-एए जीवाणं अट्ठ भंगा॥ चउवीसदंडएसु विभागेणं पओग-पदं
११. णेरइया णं भंते ! किं सच्चमणप्पओगी जाव किं कम्मासरीरकायप्पओगी? गोयमा ! णेरइया सव्वे वि ताव होज्जा सच्चमणप्पयोगी वि जाव वेउव्वियमीसासरीरकायप्पओगी वि, अहवेगे य कम्मासरीरकायप्पओगी य १ अहवेगे य कम्मासरीरकायप्पओगिणो य २ । एवं असुरकुमारा वि जाव थणियकुमारा॥
१२. पुढविकाइया णं भंते ! किं ओरालियसरीरकायप्पओगी ओरालियमीसासरीरकायप्पओगी कम्मासरीरकायप्पओगी? गोयमा ! पढविकाइया णं ओरालियसरीरकायप्पओगी वि ओरालियमीसासरीरकायप्पओगी वि कम्मासरीरकायप्पओगी वि। एवं जाव वणप्फतिकाइयाणं, णवरं-वाउक्काइया वेउब्वियसरीरकायप्पओगी वि वेउव्वियमीसासरीरकायप्पओगी वि ॥
१३. बेइंदिया णं भंते ! किं ओरालियसरीरकायप्पओगी' जाव कम्मासरीरकायप्पओगी? गोयमा! बेइंदिया सव्वे वि ताव होज्जा असच्चामोसवइप्पओगी वि ओरालियसरीरकायप्पओगी वि ओरालियमीसासरीरकायप्पओगी वि, अहवेगे य कम्मासरीरकायप्पयोगी य १ अहवेगे य कम्मासरीरकायप्पओगिणो य २ । एवं जाव चउरिदिया ।।
१४. पंचेंदियतिरिक्खजोणिया जहा जेरइया, णवरं-ओरालियसरीरकायप्पओगी वि ओरालियमीसासरीरकायप्पओगी वि, अहवेगे य कम्मासरीरकायप्पपोगी य १ अहवेगे य कम्मासरीरकायप्पओगिणो य२॥
१५. मणसा णं भंते ! किं सच्चमणप्पओगी जाव किं कम्मासरीरकायप्पओगी? गोयमा ! मणूसा सव्वे वि ताव होज्जा सच्चमणप्पओगी वि जाव ओरालियसरीरकायप्पओगी वि वेउव्वियसरीरकायप्पओगी वि वेउव्वियमीसासरीरकायप्पओगी वि, अहवेगे
१. °मीस (क,घ)।
२,३. 'पओगी वि (क,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |