________________
सोलसमं पओगपयं
पआगभेय-पदं
१. कइविहे णं भंते ! पओगे पण्णत्ते ? गोयमा ! पण्णरसविहे पओगे पण्णत्ते, तं जहा-सच्चमणप्पओगे, मोसमणप्पओगे, सच्चामोसमणप्पओगे, असच्चामोसमणप्पओगे, एक वइप्पओगे वि चउहा, ओरालियसरीरकायप्पओगे ओरालियमीससरीरकाय पओगे वेउव्वियसरीरकायप्पओगे वेउब्वियमीससरीरकायप्पओगे आहारगसरीरकायप्पओगे' आहारगमीससरीरकायप्पओगे' कम्मासरीरकायप्पओगे।। जीवेसु ओहेणं पओग-पदं
२. जीवाणं भंते ! कतिविहे पओगे पण्णत्ते ? गोयमा ! पण्णरस विहे पओगे पण्णत्ते, तं जहा-सच्चमणप्पओगे जाव कम्मासरीरकायप्पओगे ।। चउबीसदंडएस ओहेणं पओग-पदं
३. णेरइयाणं भंते ! कतिविहे पओगे पण्णत्ते ? गोयमा ? ! एक्कारसविहे पओगे पण्णत्ते, तं जहा-सच्चमणप्पओगे जाव असच्चामोसवइप्पओगे वेउव्वियसरीरकायप्पओगे वेउव्वियमीससरीरकायप्पओगे कम्मासरीरकायप्पओगे। एवं असुरकुमाराण वि जाव थणियकुमाराणं ।।
४. पुढविक्काइयाणं पुच्छा । गोयमा ! तिविहे पओगे पण्णत्ते, तं जहा-ओरालियसरीरकायप्पओगे ओरालियमीससरीरकायप्पओगे कम्मासरीरकायप्पओगे। एवं जाव वणप्फइकाइयाणं, णवरं--
५. बाउक्काइयाणं पंचविहे पओगे पण्णत्ते, तं जहा-ओरालियसरीरकायप्पओगे ओरालियमीससरीरकायप्पओगे वेउव्विए दुविहे कम्मासरीरकायप्पओगे य॥
६. बेइंदियाणं पुच्छा । गोयमा ! चउविहे पओगे पण्णत्ते, तं जहा-असच्चामोसवइप्पओगे ओरालियसरीरकायप्पओगे ओरालियमीससरीरकायप्पओगे कम्मासरीरकायप्पओगे। एवं जाव चउरिंदियाणं ।
७. पंचेंदियतिरिवखजोणियाणं पुच्छा । गोयमा ! तेरसविहे पओगे पण्णत्ते, तं जहासच्चमणप्पओगे मोसमणप्पओगे सच्चामोसमणप्पओगे असच्चामोसमणप्पओगे, एवं वइप्पओगे वि, ओरालियसरीरकायप्पओगे ओरालियमीससरीरकायप्पओगे वेउव्विय१. आहारस (घ)।
२. आहारमी॰ (घ)।
२०६
Jain Education International
For Private & Personal Use Only
www.jainelibrary.org
