Page Text
________________
१९४
पण्णवणासुतं
णिज्जरापोग्गला सुहमा णं ते पोगला पण्णत्ता समणाउसो ! ? सव्वलोगं पि य णं ते ओगाहित्ता णं चिट्ठति ? हंता गोयमा ! अणगारस्स णं भाविअप्पणी मारणंतियसमुग्धाएणं समोहयस्स जे चरिमा णिज्जरापोग्गला सुहुमा णं ते पोग्गला पण्णत्ता समणाउसो ! सव्वलोगं पियणं ते ओगाहित्ता णं चिट्ठति ।
४४. छउमत्थे णं भंते ! मणूसे तेसि णिज्जरापोग्गलाणं किं आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणति पासति ? गोयमा ! णो इणट्ठे'
समट्ठे !
४५. से केणट्ठणं भंते !
एवं वुच्चति - छउमत्थे णं मणूसे तेसि णिज्जरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणति पासति ? गोयमा ! देवे वि य णं अत्थेगइए जे णं तेसि णिज्जरापोग्गलाणं णो किंचि आणत्तं वाणात्तं वा ओमत्तं वा तुच्छत्तं वा गरुयत्तं वा लहुयत्तं वा जाणति पासति । से एणट्ठेणं' गोयमा ! एवं वृच्चति - छउमत्थे णं मणूसे तेसि णिज्जरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणति पासति, सुहुमा णं ते पोग्गला पण्णत्ता समणाउसो ! सव्वलोगं पि य णं ते ओगाहित्ताणं चिट्ठति ॥ आहारदारे निज्जरापोग्गल-पदं
४६. णेरइया णं भंते ! ते णिज्जरापोग्गले किं जाणंति पासंति आहारेंति ? उदाहु ण याणंति ण पासंति ण आहारेंति ? गोयमा ! णेरइया णं ते णिज्जरापोगले ण जाणंति ण पासंति आहारेंति । एवं जाव पंचेंदियतिरिक्खजोणिया ||
४७. मणूसा णं भंते! ते णिज्जरापोग्गले किं जाणंति पासंति आहारेंति ? उदाहु ण जाणंति ण पासंति ण आहारेंति ? गोयमा ! अत्थेगइया जाणंति पासंति आहारेंति, अत्थेगइया ण जाणंति ण पासंति आहारेंति ॥
४८. सेकेणट्ठणं भंते ! एवं वुच्चति - अत्थेगइया जाणंति पासंति आहारेंति ? अत्थेगइया ण याणंति ण पासंति आहारेंति ? गोयमा ! मणूसा दुविहा पण्णत्ता, तं जहा - सणिभूयाय असण्णिभूया य । तत्थ णं जेते असण्णिभूया ते णं ण जाणंति ण पासंति आहारेंति । तत्थ णं जेते सण्णिभूया ते दुविहा पण्णत्ता, तं जहा - उवउत्ता य अणुवउत्ता य । तत्थ णं जेते अणुवउत्ता ते णं ण याणंति ण पासंति आहारेंति । तत्थ णं जेते उवउत्ता ते णं जाणति पासंति आहारेंति । से एएणट्ठेणं गोयमा ! एवं वुच्चति - 'अत्थेगइया जाति पासंति आहारेंति, अत्थेगइया ण जाणंति ण पासंति आहारेंति" । वाणमंतर - जोइसिया जहा णेरइया ॥
४६. वैमाणिया णं भंते ! गोयमा ! जहा मणूसा णवरं
१. इणभट्ठे (क,घ ) ।
२. तेणट्ठे ( क, ख ) 1
३. एए सुहुमा ( क ) ।
४. जोणिया णं ( क ग, घ ) ।
Jain Education International
ते णिज्जरापोग्गले किं जाणंति पासंति आहारैति ? वेमाणिया दुविहा पण्णत्ता, तं जहा -- माइमिच्छद्दिट्टि
५. अत्येगइया न जाणंति ण पासंति आहारेंति, अत्थेगइया जाणंति पासंति आहारेंति (क, ग,
पु) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |