Page Text
________________
तेरसमं परिणामपर्यं
चरिताचरित्ती वि, वेदपरिणामेणं इत्थीवेदगा वि पुरिसवेदगा वि णपुंसगवेदगाव ॥
१६. मणुस्सा गतिपरिणामेणं मणुयगतिया, इंदियपरिणामेणं पंचेंदिया अणिदिया वि, कसायपरिणामेणं कोहकसाई वि जाव अकसाई वि, लेस्सापरिणामेणं कण्हलेस्सा वि जाव अलेस्सावि, जोगपरिणामेणं मणजोगी वि जाव अजोगी वि, उवओगपरिणामेणं जहा रइया, गाणपरिणामेणं आभिणिवोहियणाणी वि जाव केवलणाणी वि, अण्णाणपरिणामेणं तिणि वि अण्णाणा, दंसणपरिणामेणं तिण्णि वि दंसणा, चरित्तपरिणामेणं चरिती वि अचरित्ती वि चरित्ताचरित्ती वि, वेदपरिणामेणं इत्थवेदगा वि पुरिसवेदगा वि नपुंसंगवेदगा वि अवेदगा वि ॥
२०. वाणमंतरा गतिपरिणामेणं देवगइया जहा ' असुरकुमारा । एवं जोतिसिया वि णवरं -- लेस्सापरिणामेणं तेउलेस्सा । वेमाणिया वि एवं चेव, णवरं - लेस्सापरिणामेणं तेउलेस्सा वि पम्हलेस्सा वि सुक्कलेस्सा वि । से तं जीवपरिणामे ॥
अजीव परिणाम-पदं
२१. अजीवपरिणामे णं भंते ! कतिविहे पण्णत्ते ? गोयमा ! दसविहे पण्णत्ते, तं जहा - बंधणपरिणामे गतिपरिणामे संठाणपरिणामे भेदपरिणामे वण्णपरिणामे गंधपरिणामे रसपरिणामे फासपरिणामे अगरुयल हुयपरिणामे सद्दपरिणामे ||
२२. बंधणपरिणामे णं भंते ! कतिविहे पण्णत्ते ? गोयमा ! दुविहे पण्णत्ते, तं जहानिबंधणपरिणामे य लुक्खबंधणपरिणामे य ।
गाहा—
समद्धिया बंधो ण होति, समलुक्खयाए वि ण होति ।
मायणिद्ध - लुक्खत्तणेण बंधो उ खंधाणं ॥ १ ॥
fate द्वेिण दुहिएणं, लुक्खस्स लुक्खेण दुयाहिएणं ।
णिद्धस्स लुक्खेण उवेइ बंधो, जहण्णवज्जो विसमो समो वा ॥२॥
२३. गतिपरिणामे णं भंते ! कतिविहे पण्णत्ते ? गोयमा ! दुविहे पण्णत्ते, तं जहासमानगतिपरिणामे य अफुसमाणगतिपरिणामे य, अहवा दीहगइपरिणामे य हस्सगइपरिणामे य ॥
१८५
२४. संठाणपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा - परिमंडलसंठाणपरिणामे जाव' आययसंठाणपरिणामे ||
२५. भेयपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा - खंडाभेदपरिणामे जाव' उक्करियाभेदपरिणामे ||
२६. वण्णपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा - कालवण्णपरिणामे जाव' सुक्किलवण्णपरिणामे ||
२७. गंधपरिणामे णं भंते ! कतिविहे पण्णत्ते ? गोयमा ! दुविहे पण्णत्ते, तं जहा
१. प० १३।१५ ।
२. अगुरु° (क,ग) ।
३. फुसण° (घ) 1
Jain Education International
४. प० ११४ ।
५. प० ११।७३ ।
६. प० ११४ ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |