Page Text
________________
पण्णवणासुतं
१०. अण्णाणपरिणामे णं भंते ! कतिविहे पण्णत्ते ? गोयमा ! तिविहे पण्णत्ते, तं जहा - मतिअण्णाणपरिणामे सुयअण्णाणपरिणामे विभंगणाणपरिणामे ||
११. दंसणपरिणामे णं भंते ! कतिविहे पण्णत्ते ? गोयमा ! तिविहे पण्णत्ते, तं जहा सम्म सणपरिणामे मिच्छादंसणपरिणामे सम्मामिच्छादंसणपरिणामे ॥
-
१२. चरित परिणाम णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा - सामाइयचरित्तपरिणामे छेदोवट्ठावणियचरित्तपरिणामे परिहारविसुद्धियचरितपरिणामे सुहुमसं परायचरित्तपरिणामे अहक्खायचरित्तपरिणामे ||
१३. वेयपरिणामे णं भंते ! कतिविहे पण्णत्ते ? गोयमा ! तिविहे पण्णत्ते, तं जहाइत्थवेयपरिणामे पुरिसवेयपरिणामे णपुंसगवेयपरिणामे || चवीसदंडएस परिणाम-पदं
१८४
१४. रइया गतिपरिणामेणं णिरयगतिया, इंदियपरिणामेणं पंचिदिया, कसायपरिणामेणं कोहकसाई वि जाव लोभकसाई वि, लेस्सापरिणामेणं कण्हलेस्सा वि लस्सा विकाउलेस्सा वि, जोगपरिणामेणं मणजोगी वि वइजोगी विकायजोगी वि, उवओग परिणामेणं सागारोवउत्ता वि अणागारोवउत्ता वि, णाणपरिणामेणं आभिणिबोहियाणी व सुयणाणी व ओहिणाणी वि, अण्णाणपरिणामेणं मतिअण्णाणी वि सुयअण्णाणी विविभंगणाणी वि, दंसणपरिणामेण सम्मद्दिट्ठी विमिच्छद्दिट्ठी वि सम्मामिच्छद्दिट्ठी वि चरित्तपरिणामेण णो चरित्ती णो चरित्ताचरिती अचरित्ती, वेदपरिणामेणं णो इत्थिवेदगा णो पुरिसवेदगा णपुंसगवेदगा ॥
१५. असुरकुमारा वि एवं चेव, नवरं – देवगतिया, कण्हलेसा वि जाव तेउलेसा वि, वेदपरिणामेणं इत्थवेयगा वि पुरिसवेयगा वि णो णपुंसगवेदगा । सेसं तं चैव । एवं जाव
कुमारा ॥
१६. पुढविकाइया गतिपरिणामेणं तिरियगतिया, इंदियपरिणामेणं एगिंदिया, सेसं जहा णेरइयाणं, णवरं - लेस्सापरिणामेणं तेउलेस्सा वि, जोगपरिणामेणं कायजोगी, णाणपरिणामो णत्थि, अण्णाणपरिणामेणं मतिअण्णाणी वि सुयअण्णाणी वि, दंसणपरिणामेण मिच्छदिट्ठी । सेसं तं चेव । एवं आउ - वणप्फइकाइया वि । तेऊ वाऊ एवं चेव, णवरं - लेस्सापरिणामेणं जहा णेरइया ||
१७. बेइंदिया गतिपरिणामेणं तिरियगतिया, इंदियपरिणामेणं बेइंदिया, सेसं जहा रइयाणं, णवरं - जोगपरिणामेणं वइयोगी वि काययोगी वि, णाणपरिणामेणं आभिणिबोहियाणी व सुयणाणी वि, अण्णाणपरिणामेणं मतिअण्णाणी वि सुयअण्णाणी विणो विभंगणाणी, दंसणपरिणामेणं सम्मद्दिट्ठी विमिच्छदिट्ठी वि णो सम्मामिच्छदिट्ठी । सेसं तं चेव । एवं जाव चउरिंदिया । णवरं - इंदियपरिवुड्डी' कायव्वा ॥
१८. पंचेंदियतिरिक्खजोणिया गतिपरिणामेणं तिरियगतिया' । सेसं जहा णेरइयाणं, णवरं - लेस्सापरिणामेणं जाव सुक्कलेस्सा वि, चरित्तपरिणामेणं णो चरित्ती अचरिती वि
३. प० १३ । १४ ।
१. विड्ढी ( क, ख, घ ) । २. गतीया (घ ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |