Page Text
________________
१३८
पण्णवणासुतं
अणुत्तरोववाइया, णवरं-जोइसिय-वेमाणियाणं चयणेणं अभिलावो कातव्वो॥
कत्तोदारं उबवाय-उव्वट्टणा-पदं
७०. नेरइया णं भंते ! कतोहितो उववज्जति ? किं नेरइएहितो उववज्जति ? तिरिक्खजोणिएहितो उववज्जति ? मणुस्सेहितो उववज्जति ? देवेहितो उववज्जति ? गोयमा ! ' नो नेरइएहितो उववज्जंति, तिरिक्खजोणिएहिंतो उववज्जति, मणुस्से हितो उववज्जति, नो देवेहिंतो उववज्जति ॥
७१. जदि तिरिक्खजोणिएहितो उववज्जंति किं एगिदियतिरिक्खजोणिएहितो उववज्जति ? बेइंदियतिरिक्खजोणिएहिंतो उववज्जति ? तेइंदियतिरिवखजोणिएहितो उववज्जति ? चउरिदियतिरिक्खजोणिएहितो उववज्जति ? पंचेंदियतिरिक्खजोणिएहितो उववज्जति ? गोयमा ! नो एगिदियतिरिक्खजोणिएहितो नो बेइंदियतिरिक्खजोणिएहितो नो तेइंदियतिरिक्खजोणिएहितो नो चउरिदियतिरिक्खजोणिएहितो उववज्जति, पंचेंदियतिरिक्खजोणिएहिंतो उववज्जति । जदि पंचेंदियतिरिक्खजोणिएहिंतो उववज्जति किं जलयरपंचेंदियतिरिक्खजोणिएहितो उववज्जति ? थलयरपंचेंदियतिरिक्खजोणिएहिंतो उववज्जति ? खहयरपंचेदियतिरिक्खजोणिएहितो उववज्जति ? गोयमा ! जलयरपंचेंदियतिरिक्खजोणिएहितो वि उववज्जंति, थलयरपंचेंदियतिरिक्खजोणिएहितो वि उववज्जति खहयरपंचेंदियतिरिक्खजोणिएहितो वि उववज्जति। जदि जलयरपंचेंदियतिरिक्खजोणिएहितो उववज्जति किं सम्मुच्छिमजलयरपंचेंदियतिरिक्खजोणिएहितो उववज्जति ? गब्भवक्कंतियजलयरपंचेंदियतिरिक्खजोणिएहितो उववज्जति ? गोयमा ! सम्मुच्छिमजलयरपंचेंदियतिरिवखजोणिएहितो वि उववज्जति, गब्भवतियजलयरपंचेंदियतिरिक्खजोणिएहितो वि उववज्जति। जदि सम्मुच्छिमजलयरपंचेंदियतिरिक्खजोणिएहितो उववज्जति किपज्जत्तयसम्मुच्छिमजलयरपंचेंदियतिरिक्खजोणिएहितो उववज्जति ? अपज्जत्तयसम्मुच्छिमजलयरपंचेंदियतिरिक्खजोणिएहितो उववज्जति ? गोयमा ! पज्जत्तयसम्मुच्छिमजलयरपंचेंदियतिरिक्खजोणिएहिंतो उववज्जति, नो अपज्जत्तयसम्मुच्छिमजलयरपंच दियतिरिक्खजोणिएहितो उववज्जति । जदि गब्भवक्कंतियजलयरपंचेंदियतिरिक्खजोणिएहितो उववज्जति किं पज्जत्तगगब्भवक्कंतियजलयरपंचेंदियतिरिक्खजोणिएहितो उववज्जति ? अपज्जत्तयगब्भवक्कंतियजलयरपंचेंदियतिरिक्खजोणिएहितो उववज्जति ? गोयमा ! पज्जत्तयगम्भवक्कंतियजलयरपंचेंदियतिरिक्खजोणिएहितो उववज्जति, नो अपज्जत्तगगब्भवक्कंतियजलयरपंचेंदियतिरिक्खजोणिएहितो उववज्जति । जदि थलयरपंच दियतिरिक्खजोणिएहितो उववज्जति किं चउप्पयथलयरपंचेंदियतिरिक्खजोणिएहितो उववज्जति ? परिसप्पथलयरपंचेंदियतिरिक्खजोणिएहिंतो उववज्जंति ? गोयमा ! चउप्पयथलयरपंचेंदियतिरिक्खजोणिएहितो वि उववज्जति, परिसप्पथलयर१. गोयमा नेरइया (ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |