Page Text
________________
छठें वक्कतिपयं
१३७
५६. एवं वाणमंतरा जोइसिया सोहम्म-ईसाण-सणंकुमार-माहिंद-बंभलोय-लंतगमहासुक्क-सहस्सार-आणय-पाणय-'आरण-अच्चय ज्जग-मज्झिमगेवेज्जग-उवरिमगेवेज्जग-विजय वेजयंत-जयंत-अपराजित-सव्वदृसिद्ध देवा य संतरं पि उववज्जति निरंतरं पि उववज्जति ॥
५७. सिद्धा णं भंते ! कि संतरं सिज्झति ? निरंतरं सिझंति ? गोयमा ! संतरं पि सिज्झंति, निरंतरं पि सिझंति ।
५८. नेरइया णं भंते ! कि संतरं उव्वऎति ? निरंतरं उव्वटंति ? गोयमा! संतरं पि उव्वटंति, निरंतरं पि उब्वटंति ।।
५६. एवं जहा उववाओ भणितो तहा उव्वट्टणा वि सिद्धवज्जा भाणितव्वा जाव वेमाणिया, नवरं-जोइसिय-वेमाणिएसु चयणं ति अभिलावो कातव्वो ।।
एगसमयदारं उववाय-उव्वट्टणा-पदं
६०. नेरइया णं भंते ! एगसमएणं केवतिया उववज्जति ? गोयमा ! जहणणं एको वा दो वा तिण्णि वा, उक्कोसेणं संखेज्जा वा असंखेज्जा वा उववज्जति । एवं जाव अहेसत्तमाए ।।
६१. असुरकुमारा णं भंते ! एगसमएणं केवतिया उववज्जति ? गोयमा ! जहण्णणं एकको वा दो वा तिण्णि वा, उक्कोसेणं संखेज्जा वा असंखेज्जा वा । एवं नागकुमारा जाव थणियकुमारा वि भाणियव्वा ।।
६२. पुढविकाइया णं भंते ! एगसमएणं केवतिया उववज्जति ? गोयमा ! अणुसमयं अविरहियं असंखेज्जा उववज्जति । एवं जाव वाउकाइया ।।
६३. वणस्सतिकाइया णं भंते ! एगसमएणं केवतिया उववज्जति ? गोयमा ! सटाणुववायं पडुच्च अणुसमयं अविरहिया अणंता उववज्जति, परट्ठाणुववायं पडुच्च अणुसमयं अविरहिया असंखेज्जा उववज्जति ॥
६४. बेइंदिया णं भंते ! केवतिया एमसभएणं उववज्जति ? गोयमा ! जहण्णणं एगो वा दो वा तिण्णि वा, उक्कोसेणं संखज्जा वा असंखेज्जा वा ।।
६५. एवं तेइंदिया चरिदिया सम्मुच्छिमपंचेदियतिरिक्खजोणिया गब्भवक्कंतियपंचेंदियतिरिक्खजोणिया सम्मुच्छिममणुस्सा वाणमंतर-जोइसिय-सोहम्मीसाण-सणंकुमारमाहिंद-बंभलोय-लंतग-महासुक्क -सहस्सारकप्पदेवा---एते जहा ने रइया ।।
६६. गम्भवक्क्रतियमणस्सा आणय-पाणय-आरण-अच्चय-गेवेज्जग-अणुत्तरोववाइया य एते जहण्णणं एक्को वा दो वा तिग्णि वा, उक्कोसेणं संखेज्जा उववज्जति ।।
६७. सिद्धा णं भंते ! एगसमएणं केवतिया सिझंति ? गोयमा ! जहणणं एक्को वा दो वा तिण्णि वा, उक्कोसेणं अट्ठसतं ।।
६८. नेरइया णं भंते ! एगसमएणं केवतिया उव्वट्ठति ? गोयमा ! जहण्णणं एक्को वा दो वा तिण्णि वा, उक्कोसेणं संखेज्जा वा असंखेज्जा वा उव्वद॒ति ।।
६६. एवं जहा उववाओ भणितो तहा उव्वट्टणा वि सिद्धवज्जा भाणितव्वा जाव १. आरणच्चुय (क,ख,ग,घ) ।
२. सुक्क (ख, ग, घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |