Page Text
________________
पंचमं विसेसपयं
१३१
लुवखेहिं छट्ठाणवडिते॥
२१६. एवं उक्कोसगुणसीए वि । अजहण्णमणुक्कोसगुणसीए वि एवं चेव, नवरंसट्ठाणे छट्ठाणवडिते ॥
२२०. जहण्णगुणसीताणं असंखेज्जपएसियाणं पुच्छा । गोयमा ! अणंता ॥
२२१. से केणठेणं ? गोयमा ! जहण्णगुणसीते असंखेज्जपए सिए जहण्णगुणसीयस्स असंखेज्जपएसियस्स दव्वट्टयाए तुल्ले । पएसट्ठयाए चउट्ठाणवडिते । ओगाहणट्ठयाए चउट्ठाणवडिते । ठितीए चउट्ठाणवडिते । वण्णादिपज्जवेहि छट्ठाणवडिते । सीतफासपज्जवेहिं तुल्ले । उसिण-निद्ध-लुक्खफासपज्जवेहिं छट्ठाणवडिते॥
२२२ एवं उक्कोसगुणसीते वि । अजहण्णमणुक्कोसगुणसीते वि एवं चेव, नवरंसट्ठाणे छट्ठाणवडिते ॥
२२३. जहण्णगुणसीताणं अणंतपदेसियाणं पुच्छा । गोयमा ! अणंता॥
२२४. से केणठेणं ? गोयमा ! जहण्णगुणसीते अणंतपदेसिए जहण्णगुणसीतस्स अणंतपएसियस्स दव्वट्टयाए तुल्ले। पदेसट्टयाए छट्ठाणवडिते। ओगाहणट्ठयाए चउट्ठाणवडिते । ठितीए चउट्ठाणवडिते । वण्णादिपज्जवेहिं छट्ठाणवडिते । सीतफासपज्जवेहि तुल्ले । अवसेसेहिं सत्तफासपज्जवेहिं छट्ठाणवडिते॥
२२५. एवं उक्कोसगुणसीते वि । अजहण्णमणुक्कोसगुणसीते वि एवं चेव, नवरंसट्ठाणे छट्ठाणवडिते ॥
२२६. एवं उसिणे निद्धे लुक्खे जहा सीते। परमाणुपोग्गलस्स तहेव पडिवक्खो, सव्वेसिं न भण्णइ त्ति भाणितव्वं'।
२२७. जहण्णपदेसियाणं भंते ! खंधाणं पुच्छा । गोयमा ! अणंता॥
२२८. से केणढेणं ? गोयमा ! जहण्णपदेसिते खंधे जहण्णपएसियस्स खंधस्स दव्वट्ठयाए तुल्ले। पदेसट्टयाए तुल्ले । ओगाहणट्ठयाए सिय हीणे सिय तुल्ले सिय अब्भहिए-जदि हीणे पदेसहीणे । अह अब्भहिए पदेसमब्भहिए। ठितीए चउढाणवडिते। वण्ण-गंध-रस-उवरिल्लचउफासपज्जवेहिं छट्ठाणवडिते॥
२२६. उक्कोसपएसियाणं भंते ! खंधाणं पुच्छा । गोयमा ! अणंता॥
२३०. से केणठेणं ? गोयमा ! उक्कोसपए सिए खंधे उक्कोसपएसियस्स खंधस्स दव्वट्ठयाए तुल्ले । पएसट्टयाए तुल्ले। ओगाहणट्टयाए चउट्ठाणवडिते । ठितीए चउट्ठाणवडिते । वण्णादि-अट्ठफासपज्जवेहि य छट्ठाणवडिते ।।
२३१. अजहण्णमणक्कोसपदेसियाणं भंते ! खंधाणं केवतिया पज्जवा पण्णत्ता? गोयमा ! अणंता ।।
२३२. से केणठेणं ? गोयमा ! अजहण्णमणुक्कोसपदेसिए खंधे अजहण्णमणुक्कोसपदेसियस्स खंधस्स दव्वट्ठयाए तुल्ले । पदेसट्टयाए छट्ठाणवडिते । ओगाहणट्ठयाए चउट्ठाणवडिते। ठितीए चउट्ठाणवडिते । वण्णादि-अट्ठफासपज्जवेहि य छट्ठाणवडिते॥
२३३. जहण्णोगाहणगाणं भंते ! पोग्गलाणं पुच्छा । गोयमा ! अणंता ।।
१. भाणितव्वं । साम्प्रतं सामान्यसूत्रमारभ्यते (क,ख,ग,घ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |