Page Text
________________
पण्णवणासुतं सट्टाणे छट्ठाणवडिते॥
२०५. एवं नील-लोहित-हालिद्द-सुक्किल-सुबिभगंध-दुब्भिगंध-तित्त-कड्डय-कसायअंविल-महुररसपज्जवेहि य वत्तव्वया भाणियव्वा, नवरं--परमाणुपोग्गलस्स सुब्भिगंधस्स दुब्भिगंधो न भण्णति, दुब्भिगंधस्स सुब्भिगंधो न भण्णति, तित्तस्स अवसेसा ण भण्णंति । एवं कडुयादीण वि । सेसं' तं चेव ॥
२०६.जहण्णगुणकक्खडाणं अणंतपएसियाणं पृच्छा । गोयमा ! अणंता ॥
२०७. से केणट्टेणं ? गोयमा ! जहण्णगुणकवखडे अणंतपएसिए जहण्णगुणकक्खडस्स अणंतपदेसियस्स दव्वट्ठयाए तुल्ले । पदेसट्टयाए छट्ठाणवडिते। ओगाहणट्ठयाए चउट्ठाणवडिते । ठितीए चउट्ठाणवडिते । वण्ण-गंध-रसेहिं छट्ठाणवडिते। कक्खडफासपज्जवेहिं तुल्ले । अबसेसेहिं सत्तफासपज्जवेहि छट्ठाणवडिते ॥
२०८. एवं उक्कोसगुणकक्खडे वि। अजहण्णमणुक्कोस गुणकक्खडे वि एवं चेव, नवरं- सट्टाणे छट्ठाणवडिते॥
२०६. एवं मउय-गरुय-लहुए वि भाणितव्वे ।। २१०. जहण्णगुणसीयाणं भंते ! परमाणुपोग्गलाणं पुच्छा । गोयमा ! अणंता ।।
२११. से केणट्टेणं ? गोयमा ! जहण्णगुणसीते परमाणुपोग्गले जहण्णगुणसीतस्स परमाणुपोग्गलस्स दव्वट्ठयाए तुल्ले। पदेसट्टयाए तुल्ले । ओगाहणट्ठयाए तुल्ले। ठितीए चउट्टाणवडिते वण्ण-गंध-रसेहि छट्ठाणवडिते। सीतफासपज्जवेहि य तुल्ले । उसिणफासो न भण्णति । णिद्ध-लुक्खफासपज्जवेहि छट्ठाणवडिते ।।
२१२. एवं उक्कोसगुणसीते वि । अजहण्णमणुक्कोसगुणसीते वि एवं चेव, नवरंसट्ठाणे छट्ठाणवडिते।
२१३. जहण्णगुणसीयाणं दुपएसियाणं पुच्छा । गोयमा ! अणंता ॥
२१४. से केणठेणं? गोयमा ! जहण्णगुणसीते दुपएसिए जहण्णगुणसीयस्स दुपएसिस्स दव्वट्ठयाए तुल्ले । पएसट्ठयाए तुल्ले । ओगाहणट्ठयाए सिय हीणे सिय तुल्ले सिय अब्भहिए-जइहीणे पएसहीणे । अह अब्भहिए पएसमब्भहिए। ठिईए चउढाणवडिते। वण्णगंध-रसपज्जवेहिं छट्ठाणवडिते । सीतफासपज्जवेहिं तुल्ले । उसिण-निद्ध-लुक्खफासपज्जवेहिं छट्ठाणवडिते ॥
२१५. एवं उक्कोसगुणसीए वि । अजहण्णमणुक्कोसगुणसीते वि एवं चेव, नवरंसट्टाणे छट्ठाणवडिते॥
२१६. एवं जाव दसपएसिए, नवरं-ओगाहणट्ठयाए पदेसपरिवुड्डी' कायव्वा जाव दसपएसियस्स णव पएसा वड्डिज्जति ।।
२१७. जहण्णगुणसीयाणं संखेज्जपएसियाणं भंते ! पुच्छा । गोयमा ! अणंता ।।
२१८. से केणढेणं ? गोयमा ! जहण्णगुणसीते संखेज्जपए सिए जहण्णगुणसीयस्स संखेज्जपएसियस्स दव्वट्ठयाए तुल्ले । पएसट्टयाए दुट्ठाणवडिते । ओगाहणट्टयाए दृट्ठाणवडिते। ठितीए चउट्ठाणवडिते । वण्णाईहिं छट्ठाणवडिते । सीतफासपज्ज वेहिं तुल्ले । उसिण-निद्ध
१. अवसेसं (क) ।
२. परिवड्ढी (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |