Page Text
________________
१२८
पण्णवणासुत्तं
१७३. जहण्ण द्वितीयाणं भंते ! परमाणुपोग्गलाणं पुच्छा। गोयमा ! अणंता ॥
१७४. से केणठेणं ? गोयमा ! जहण्णट्टितीए परमाणुपोग्गले जहण्ण ट्ठितीयस्स परमाणुपोग्गलस्स दव्वट्ठयाए तुल्ले । पदेसट्टयाए तुल्ले । ओगाहणट्टयाए तुल्ले। ठितीए तुल्ले । वण्णादि-दुफासेहि य छट्ठाणवडिते॥
१७५. एवं उक्कोसट्टितीए वि। अजहण्णमणुक्कोसट्टितीए वि एवं चेव, नवरं-ठितीए चउट्ठाणवडिते॥
१७६. जहण्ण द्वितीयाणं दुपएसियाणं पुच्छा । गोयमा ! अणंता ।।
१७७. से केणठेणं ? गोयमा ! जहण्णट्ठितोए दुपएसिए जहण्ण द्वितीयस्स दुपएसियस्स दव्वट्टयाए तुल्ले । पदेसट्टयाए तुल्ले । ओगाहणट्टयाए सिय हीणे सिय तुल्ले सिय अब्भहिए-जदि हीणे पदेसहीणे । अह अब्भहिए पदेसमब्भहिए। ठितीए तुल्ले । वण्णादिचउफासेहि य छट्ठाणवडिते ॥
१७८. एवं उक्कोसट्टितीए वि । अजहण्णमणुक्कोसट्टितीए वि एवं चेव, नवरंठितीए चउट्ठाणवडिते॥
१७६. एवं जाव दसपदेसिए नवरं–पदेसपरिवुड्डी कातव्वा । ओगाहणट्ठयाए तिसु वि गमएसु जाव दसपएसिए णव पएसा वढिज्जति॥
१८०. जहण्ण द्वितीयाणं भंते ! संखेज्जपदेसियाणं पुच्छा । गोयमा ! अणंता ॥
१८१. से केणठेणं ? गोयमा ! जहण्णट्टितीए संखेज्जपदेसिए खंधे जहण्णद्वितीयस्स संखेज्जपएसियस्स खंधस्स दव्वट्टयाए तुल्ले । पदेसट्टयाए दुट्ठाणवडिते। ओगाहणट्ठयाए दुट्ठाणवडिते । ठितीए तुल्ले । वण्णादि-उवरिल्लचउफासेहि य छट्ठाणवडिते॥
१८२. एवं उक्कोसद्वितीए वि । अजहण्णमणुक्कोसट्टितीए वि एवं चेव, नवरं-ठितीए चउट्टाणवडिते॥
१८३. जहण्णद्वितीयाणं असंखज्जपएसियाणं पुच्छा । गोयमा ! अणंता ।।
१८४. से केणटठेणं ? गोयमा ! जहण्ण ट्रितोए असंखेज्जपएसिए जहण्ण द्वितीयस्स असंखेज्जपदेसियस्स दव्वट्टयाए तुल्ले । पदेसट्टयाए चउट्ठाणवडिते। ओगाहणट्ठयाए चउट्ठाणवडिते । ठितीए तुल्ले । वण्णादि-उवरिल्लच उफासेहि य छट्ठाणवडिते।।
१८५. एवं उक्कोस ट्ठिईए वि । अजहण्णमणुक्कोसट्टितीए वि एवं चेव, नवरं-ठितीए चउट्टाणवडिते॥
१८६. जहण्ण द्वितीयाणं अणंतपदेसियाणं पुच्छा । गोयमा ! अणता ।।
१८७. से केणठेणं ? गोयमा ! जहण्ण ट्ठितीए अणंतपएसिए जहण्ण द्वितीयस्स अणंतपएसियस्स दव्वट्ठयाए तुल्ले । पदेसट्टयाए छट्ठाणवडिते। ओगाहणट्ठयाए चउट्ठाणवडिते । ठितीए तुल्ले । वण्णादि-अट्ठफासेहि य छट्ठाणवडिते॥
१८८. एवं उक्कोसट्टितीए वि । अजहण्णमणुक्कोसद्वितीए वि एवं चेव, नवरं-ठितीए चउट्ठाणवडिते॥
१८६. जहण्णगुणकालयाणं परमाणुपोग्गलाणं पुच्छा । गोयमा ! अणंता ।। १. वुड्ढिज्जति (क,ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |