Page Text
________________
पंचमं विसेसपयं
१२७
गाहणए॥
१५८. उक्कोसोगाहणए वि एवं चेव । एवं अजहण्णमणुक्कोसोगाहणए वि॥
१५६. जहण्णोगाहणयाणं भंते ! चउपएसियाणं पुच्छा। गोयमा ! जहा जहण्णोगाहणए दुपएसिए तहा जहण्णोगाहणए चउपएसिए ।
१६०. एवं जहा उक्कोसोगाहणए दुपएसिए तहा उक्कोसोगाहणए चउप्पएसिए वि । एवं अजहण्णमणुक्कोसोगाहणए वि चउप्पएसिए, णवरं - ओगाहणट्ठयाए सिय हीणे सिय तल्ले सिय अब्भहिए-जदि हीणे पएसहीणे । अह अब्भहिए पएसमभहिए।
१६१. एवं जाव दसपएसिए णेयव्वं, णवरं-अजहण्णुक्कोसोगाहणए पदेसपरिवड्डी कातव्वा जाव दसपएसियस्स सत्त पएसा परिवटिज्जति ॥
१६२. जहण्णोगाहणगाणं भंते ! संखेज्जपएसियाणं पुच्छा । गोयमा ! अणंता॥
१६३. से केणठेणं भंते ! एवं वुच्चति ? गोयमा ! जहण्णोगाहणए संखेज्जपएसिए जहण्णोगाहणगस्स संखेज्जपएसियस्स दव्वट्ठयाए तुल्ले। पएसट्टयाए दुट्ठाणवडिते। ओगाहणट्ठयाए तुल्ले । ठितीए चउट्ठाणवडिए । वण्णादि-चउफासपज्जवेहि य छट्ठाणवडिते ।।
१६४. एवं उक्कोसोगाहणए वि । अजहण्णमणुक्कोसोगाहणए वि एवं चेव, णवरंसट्ठाणे दुट्ठाणवडिते ॥
१६५. जहण्णोगाहणगाणं भंते ! असंखेज्जपएसियाणं पुच्छा । गोयमा ! अणंता ॥ . १६६. से केणठेणं भंते ! एवं वुच्चति ? गोयमा ! जहण्णोगाहणए असंखेज्जपएसिए खंधे जहण्णोगाहणगस्स असंखेज्जपएसियरस खंधरस दव्वट्ठयाए तुल्ले। पएसट्टयाए चउट्ठाणवडिते। ओगाहणट्ठयाए तुल्ले। ठितीए चउट्ठाणवडिते। वण्णादि-उवरिल्लचउफासेहि य छट्ठाणवडिते॥
१६७. एवं उक्कोसोगाहणए वि । अजहण्णमणुक्कोसोगाहणए वि एवं चेव, नवरंसट्ठाणे चउट्ठाणवडिते॥
१६८. जहण्णोगाहणगाणं भंते ! अणंतपएसियाणं पुच्छा । गोयमा ! अणंता॥
१६६. से केणठेणं भंते ! एवं वुच्चइ ? गोयमा ! जहण्णोगाहणए अणंतपएसिए खंधे जहण्णोगाहणगस्स अणंतपएसियस्स खंधस्स दव्वट्ठयाए तुल्ले। पदेसट्टयाए छट्टाणवडिते। ओगाहणट्ठयाए तुल्ले । ठितीए चउट्ठाणवडिते। वण्णादि-उवरिल्लचउफासेहि छट्ठाणवडिए॥
१७०. उक्कोसोगाहणए वि एवं चेव, नवरं-ठितीए' तुल्ले ॥
१७१. अजहण्णमणुक्कोसोगाहणगाणं भंते ! अणंतपएसियाणं पुच्छा। गोयमा ! अणंता॥
१७२. से केणठेणं ? गोयमा ! अजहण्णमणक्कोसोगाहणए अणंतपएसिए खंधे अजहण्णमणक्कोसोगाहणगस्स अणंतपदेसियस्स खंधस्स दव्वट्ठयाए तुल्ले। पदेसट्टयाए छट्ठाणवडिते । ओगाहणट्ठयाए चउट्ठाणवडिते। ठितीए चउट्टाणवडिते। वण्णादि-अट्टफासेहि छट्ठाणवडिते॥
१. पएसअब्भहिए (क)।
२. ठितीए वि (क,ख,ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |