Page Text
________________
चत्थं ठिइपयं
उक्को सेणं पणपण्णं पलिओवमाई ||
२२. ईसा कप्पे 'अपज्जतियाणं देवीणं" पुच्छा । गोयमा ! जहणणेण वि उक्कोसेण वितोमुत्तं ॥
२३०. ईसाणे कप्पे पज्जत्तियाणं देवीणं पुच्छा । गोयमा ! जहण्णेणं सातिरेगं पलिओवमं अंतोमुहुत्तूणं, उक्कोसेणं पणपण्णं पलिओवमाई अंतोमुहुत्तूणाई ||
२३१. ईसाणे कप्पे परिग्गहियाणं देवीणं पुच्छा । गोयमा ! जहणेणं सातिरेगं पलिओवमं, उक्कोसेणं णव पलिओवमाई ॥
२३२. ईसाणे कप्पे परिग्गहियाणं अपज्जत्तियाणं देवीणं पुच्छा । गोयमा ! जहणेण वि उक्कोसेण वि अंतोमुहुत्तं ॥
२३३. ईसाणे कप्पे परिग्गहियाणं पज्जत्तियाणं देवीणं पुच्छा ! गोयमा ! जहणेणं सातिरेगं पलिओवमं अंतोमुहुतूणं, उक्कोसेणं नव पलिओवमाई अंतोमुहुत्तूणाई || २३४. ईसा कप्पे अपरिग्गहियाणं देवीणं पुच्छा । गोयमा ! जहण्णेणं सातिरेगं पलिओवमं, उक्कोसेणं पणपण्णं पलिओवमाई ॥
२३५. ईसाणे कप्पे अपरिग्गहियाणं अपज्जत्तियाणं देवीणं पुच्छा । गोयमा ! जहणेण वि उक्कोसेण वि अंतोमुहुत्तं ॥
२३६. ईसाणे कप्पे 'अपरिग्गहियाणं पज्जत्तियाणं देवीणं" पुच्छा । गोयमा ! जहणेणं सातिरेगं पलि ओवमं अंतोमुहुत्तूगं उक्कोसेगं पणपण्णं पलिओवमाई अंतोमुहुत्तूणाई ॥
२३७. सणकुमारे कप्पे देवाणं पुच्छा । गोयमा ! जहण्णेणं दो सागरोवमाई, उक्कोसेणं सत्त सागरोवमाई ॥
२३८. सणकुमारे कप्पे अपज्जत्ताणं देवाणं पुच्छा । गोयमा ! जहणेण वि उक्कोसेण विअंतोतं
२३६. सणकुमारे कप्पे पज्जत्ताणं देवाणं पुच्छा । गोयमा ! जहण्णेणं दो सागरोवमाई अंतमुत्तूगाई, उक्कोसेणं सत्त सागरोवमाई अंतोमुहुत्तूणाई ||
२४०. माहिंदे कप्पे देवाणं पुच्छा । गोयमा ! जहण्णेणं सातिरेगाई दो सागरोवमाई, उक्को सेणं सत्त साहियाई सागरोवमाई ||
२४१. माहिंदे अपज्जत्ताणं देवाणं पुच्छा । गोयमा ! जहण्णेण वि उक्कोसेण वि अंतमुत्तं ॥
१०७
२४२. माहिदे पज्जत्ताणं देवाणं पुच्छा । गोयमा ! जहण्णेणं सातिरेगाई दो सागरोवमाई अंतोमुहुत्तूणाई, उक्को सेणं सातिरेगाई सत्त सागरोवमाई अंतोमुहुत्तूणाई ॥
२४३. बंभलोए कप्पे देवाणं पुच्छा । गोयमा ! जहणेणं सत्त सागरोवमाई, उक्को सेणं दस सागरोवमाई ॥
२४४. बंभलोए अपज्जत्ताणं पुच्छा । गोयमा ! जहणणेण वि उक्कोसेण वि अंतोमुहुत्तं ॥
१. देवीणं अपज्जतियाणं ( क, ख, ग, घ ) ।
२. देवीणं पज्जत्तियाणं (ख, घ); देवीनं अपरिगहियाणं पज्जत्तियाणं ( ग ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |