Page Text
________________
१०६
पण्णवणासुत्तं
२११. अपज्जत्तियाणं वेमाणिणीणं देवीणं पुच्छा । गोयमा ! जहण्णेण वि उक्कोसेण वि अंतोमुहत्तं ॥
२१२. पज्जत्तियाणं वेमाणिणीणं देवीणं पुच्छा। गोयमा ! जहण्णणं पलिओवमं अंतोमुहुत्तूणं, उक्कोसेणं पणपण्णं पलिओवमाइं अंतोमुहत्तूणाई॥
२१३. सोहम्मे णं भंते ! कप्पे देवाणं केवतियं कालं ठिती पण्णत्ता ? गोयमा ! जहण्णेणं पलिओवमं, उक्कोसेणं दो सागरोवमाइं॥
२१४. सोहम्मे कप्पे अपज्जत्तयदेवाणं पुच्छा । गोयमा ! जहण्णेण वि उक्कोसेण वि अंतोमुहुत्तं ॥
२१५. सोहम्मे कप्पे पज्जत्तयदेवाणं पुच्छा । गोयमा ! जहण्णणं पलिओवमं अंतोमुहत्तणं, उक्कोसेणं दो सागरोवमाइं अंतोमुत्तूणाई ।।
२१६. सोहम्मे कप्पे देवीणं पुच्छा। गोयमा ! जहण्णणं पलिओवमं, उक्कोसेणं पण्णासं पलिओवमाइं॥
२१७. सोहम्मे कप्पे अपज्जत्तियाणं देवीणं पुच्छा । गोयमा ! जहण्णेण वि उक्कोसेण वि अंतोमुहुत्तं ॥
२१८. सोहम्मे कप्पे पज्जत्तियाणं देवीणं पुच्छा। गोयमा ! जहण्णणं पलिओवम अंतोमुहुत्तूणं, उक्कोसेणं पण्णासं पलिओवमाइं अंतोमुहुत्तूणाई॥
२१६. सोहम्मे कप्पे परिग्गहियाणं देवीणं पुच्छा। गोयमा ! जहण्णेणं पलिओवमं, उक्कोसेणं सत्त पलिओवमाइं ॥
२२०. सोहम्मे कप्पे परिग्गहियाणं अपज्जत्तियाणं देवीणं पुच्छा । गोयमा ! जहण्णेण वि उक्कोसेण वि अंतोमुहुत्तं ।
२२१. सोहम्मे कप्पे परिग्गहियाणं पज्जत्तियाणं देवीणं पुच्छा। गोयमा! जहण्णणं पलिओवमं अंतोमुहुत्तूणं, उक्कोसेणं सत्त पलिओवमाइं अंतोमुहुत्तूणाई।
२२२. सोहम्मे कप्पे अपरिग्गहियाणं देवीणं पुच्छा। गोयमा ! जहण्णणं पलिओवमं, उक्कोसेणं पण्णासं पलिओवमाइं॥
२२३. सोहम्मे कप्पे अपरिग्गहियाणं अपज्जत्तियाणं देवीणं पुच्छा। गोयमा ! जहण्णेण वि उक्कोसेण वि अंतोमुहुत्तं ॥
२२४. सोहम्मे कप्पे अपरिग्गहियाणं पज्जत्तियाणं देवीणं पुच्छा । गोयमा ! जहण्णेणं पलिओवमं अंतोमुहुत्तूणं, उक्कोसेणं पण्णासं पलिओवमाई अंतोमुत्तूणाई ।।
२२५. ईसाणे कप्पे देवाणं पुच्छा। गोयमा ! जहण्णेणं सातिरेगं पलिओवमं, उक्कोसेणं सातिरेगाइं दो सागरोवमाई॥
२२६. ईसाणे कप्पे अपज्जत्तयाणं देवाणं पुच्छा। गोयमा ! जहण्णेण वि उक्कोसेण वि अंतोमुहत्तं ॥
२२७. ईसाणे कप्पे पज्जत्तयाणं देवाणं पुच्छा। गोयमा ! जहण्णेणं सातिरेगं पलिओवमं अंतोमुत्तूणं, उक्कोसेणं सातिरेगाइं दो सागरोवमाइं अंतोमुहुत्तूणाई॥
२२८. ईसाणे कप्पे देवीणं पुच्छा। गोयमा ! जहण्णेणं सातिरेगं पलिओवमं,
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |