Page Text
________________
पण्णवणासुत्तं
५३. कहि णं भंते ! माहिंदाणं देवाणं पज्जत्तापज्जत्ताणं ठाणा पण्णत्ता ? कहिणं भंते ! माहिंदगदेवा परिवसंति ? गोयमा ! ईसाणस्स कप्पस्स उप्पि सपक्खि सपडिदिसि बहूइं जोयणाई जाव' बहुगीओ जोयणकोडाकोडीओ उड्ढे दूरं उप्पइत्ता, एत्थ णं माहिंदे णामं कप्पे पायीण-पडीणायए एवं जहेव' सणंकुमारे, णवरं-अट्ठ विमाणावाससतसहस्सा । वडेंसया जहा' ईसाणे, णवरं-मज्झे यत्थ माहिंदवडेंसए। एवं सेसं जहा सणंकुमारदेवाणं जाव' विहरति । माहिंदे यत्थ देविदे देवराया परिवसति-अरयंबरवत्थधरे, एवं जहा सणंकुमारे जाव' णवरं-अट्ठण्हं विमाणावाससतसहस्साणं सत्तरीए सामाणियसाहस्सीणं चउण्हं सत्तरीणं आयरक्खदेवसाहस्सीण जाव' विहरइ।।
५४. कहि णं भंते ! बंभलोगदेवाणं पज्जत्तापज्जत्ताणं ठाणा पण्णत्ता ? कहि णं भंते! बंभलोगदेवा परिवसंति ? गोयमा ! सणंकुमार-माहिंदाणं कप्पाणं उप्पि सपक्खि सपडिदिसि बहूई जोयणाई जाव' उप्पइत्ता, एत्थ णं बंभलोए णामं कप्पे पाईण-पडीणायए उदीणदाहिणविच्छिण्णे पडिपुण्णचंदसंठाणसंठिते अच्चिमाली-भासरासिप्पभे अवसेसं जहा" सणंकुमाराणं, णवरं --चत्तारि विमाणावाससतसहस्सा। वडिंसगा जहा" सोहम्मवडेंसया, णवरं-मज्झे यत्थ बंभलोयवडिसए, एत्थ णं बंभलोगाणं देवाणं ठाणा पण्णत्ता। सेसं तहेव जाव विहरंति। बंभे यत्थ देविदे देवराया परिवसति-अरयंबरवत्थधरे. एवं जहा सणंकमारे जावविहरति णवरं-च उण्हं विमाणावाससतसहस्साणं सट्ठीए सामाणियसाहस्सीणं चउण्ह य सट्ठीणं आयरक्खदेवसाहस्सीणं अण्णेसिं च बहूणं जाव" विहरति ।।
५५. कहि णं भंते ! लंतगदेवाणं पज्जत्तापज्जत्ताणं ठाणा पण्णत्ता ? कहि णं भंते ! लंतगदेवा परिवसंति ? गोयमा ! बंभलोगस्स कप्पस्स उप्पि सपक्खि सपडिदिसि बहई जोयणसयाई जाव" वहुगीओ जोयणकोडाकोडीओ उड्ढं दूरं उप्पइत्ता, एत्थ णं लंतए णामं कप्पे पण्णत्ते-पाईण-पडीणायए जहा" बंभलोए, णवरं-पण्णासं" विमाणावाससहस्सा भवंतीति मक्खातं । वडेंसगा जहा“ ईसाणवसगा, णवरं-मज्झे यत्थ लंतगवडेंसए । देवा तहेव जाव" विहरंति। लंतए यत्थ देविदे देवराया परिवसति जहा सणंकुमारे, णवरं-पण्णासाए विमाणावाससहस्साणं पण्णासाए सामाणियसाहस्सीणं चउण्ह य पण्णासाणं आयरक्खदेवसाहस्सीणं अण्णेसिं च बहूणं जाव" विहरति ।
५६. कहि णं भंते ! महासुक्काणं देवाणं पज्जत्तापज्जत्ताणं ठाणा पण्णत्ता ? कहि णं भंते ! महासुक्का देवा परिवसंति ? गोयमा ! लंतयस्स कप्पस्स उप्पि सपक्खि सपडिदिसिं १,२. प० २।५२। ६. प० २०५२।
१६. प० २।५४ । ३. प० २१५१ । १०. प०२।५३ ।
१७. पण्णासा (क)। ४. सणंकुमारगदेवाणं (क)। ११. प० २।५० ।
१८. प० २।५१ । ५,६. प० २।५२ । १२,१३. प० २०५२। १६. प० २।५० । ७. प० २५० । १४. प० २।५०।
२०. प० २।५२ । ८. सपक्ख (ग)। १५. प० २।५२।
२१.५० २०५०।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |