Page Text
________________
बिइयं ठाणपयं
५३
३६. कहि णं भंते ! उत्तरिल्लाणं णागकुमाराणं देवाणं पज्जत्तापज्जत्ताणं ठाणा पण्णत्ता ? कहि णं भंते ! उत्तरिल्ला णागकुमारा देवा परिवसंति ? गोयमा ? जंबुद्दीवे दीवे मंदरस्स पव्वतस्स उत्तरेणं इमीसे रयणप्पभाए पुढवीए असीउत्तरजोयणसतसहस्सबाहल्लाए उवरि एगं जोयणसहस्सं ओगाहेत्ता हेट्ठा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से, एत्थे णं उत्तरिल्लाणं णागकुमाराणं देवाणं चत्तालीसं भवणावाससतसहस्सा भवंतीति मक्खातं । ते णं भवणा बाहिं वट्टा सेसं जहा दाहिणिल्लाणं जाव' विहरंति। भूयाणंदे यत्थ णागकुमारिंदे नागकुमारराया परिवसति-महिड्ढीए जाव' पभासेमाणे । से णं तत्थ चत्तालीसाए भवणावाससतसहस्साणं आहेबच्चं जाव' विहरति ।।
३७. कहि णं भंते'! सुवण्णकुमाराणं देवाणं पज्जत्तापज्जत्ताणं ठाणा पण्णत्ता ? कहि णं भंते ! सुवण्णकुमारा देवा परिवसंति ? गोयमा! इमीसे रयणप्पभाए पुढवीए जाव एत्थ णं सुवण्णकुमाराणं देवाणं बावरि भवणावाससतसहस्सा भवंतीति मक्खातं । ते णं भवणा बाहिं वट्टा जाव' पडिरूवा । तत्थ णं सुवण्णकुमाराणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे। तत्थ णं बहवे सुवण्णकुमारा देवा परिवसंति-महिडिढया. सेसं जहा ओहियाणं जाव' विहरति । वेणुदेव-वेणुदाली यत्थ दुवे सुवण्णकुमारिंदा सुबण्णकुमाररायाणो परिवसंति---महिड्ढीया जाव' विहरंति ॥
३८. कहि णं भंते ! दाहिणिल्लाणं सुवण्णकुमाराणं पज्जत्तापज्जत्ताणं ठाणा पण्णत्ता ? कहि णं भंते ! दाहिणिल्ला सुवण्णकुमारा देवा परिवसंति ? गोयमा ! इमीसे रयणप्पभाए जाव' मज्झे अट्ठहत्तरे जोयणसतसहस्से, एत्थ णं दाहिणिल्लाणं सूवण्णकमाराणं अतीसं भवणावाससतसहस्सा भवंतीति मक्खातं । ते णं भवणा बाहिं वट्टा जाव" पडिरूवा । एत्थ णं दाहिणिल्लाणं सुवण्णकुमाराणं पज्जत्तापज्जत्ताणं ठाणा पण्णत्ता। तिसू वि लोगस्स असंखेज्जइभागे । एत्थ णं बहवे सुवण्णकुमारा देवा परिवसंति । वेणदेवे यत्थ सूणिदे सुवण्णकमारराया परिवसइ । सेसं जहा" णागकमाराणं ।।
38. कहिणं भंते ! उत्तरिल्लाणं सूवण्णकमाराणं देवाणं पज्जत्तापज्जत्ताणं ठाणा पणत्ता ? कहि णं भंते ! उत्तरिल्ला सुवण्णकुमारा देवा परिवसंति ? गोयमा ! इमीसे रयणप्पभाए जाव" एत्थ णं उत्तरिल्लाणं सुवण्णकुमाराणं चोत्तीसं भवणावाससतसहस्सा भवंतीति मक्खातं । ते णं भवणा बाहिं वट्टा जाव" एत्थ णं बहवे उत्तरिल्ला सुवण्णकुमारा
१.प० २।३५। ३. प० २।३०। ३. प० २।३०। ४. प० २।३१। ५. प० २।३० । ६. महिड्ढीया (ग)। ७.५० २।३०।
८. य इत्थ (क,ख,ग,घ)। ६. प० २।३० । १०.५० २।३१ । ११. अट्टत्तीसं (ग)। १२. प० २।३० । १३. प० २।३५ । १४. प० २।३१।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |