Page Text
________________
बिइयं ठाणपयं
अठत्तरं च तीसं, छव्वीसं चेव सतसहस्सं त । अट्ठारस सोलसगं, चोद्दसमहियं तु छट्ठीए ॥२॥ अद्धतिवण्णसहस्सा, उवरिमऽहे वज्जिऊण तो भणियं । मज्झे 'उ तिसहस्सेसु", होंति' नरगा तमतमाए ॥३॥ तीसा य पण्णवीसा, पण्णरस दसेव सयसहस्साई ।
तिण्णि य पंचूणेगं, पंचेव अणुत्तरा नरगा ॥४॥ पंचिदियतिरिक्खजोणियठाण-पदं
२८. कहि णं भंते ! पंचिदियतिरिक्खजोणियाणं पज्जत्तापज्जत्ताणं ठाणा पण्णत्ता ? गोयमा ! उड्ढलोए तदेक्कदेसभाए, अहोलोए तदेक्कदेसभाए, तिरियलोए--अगडेस तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियास सरसरपंतियासु विलेसु बिलपंतियासु उज्झरेसु निज्झरेसु चिल्ललेसु पल्ललेस वप्पिणेस दीवेसु समुद्देसु सव्वेसु चेव जलासएसु जलट्ठाणेसु। एत्थ णं पंचिदियतिरिक्खजोणियाणं पज्जत्तापज्जत्ताणं ठाणा पण्णत्ता । उववाएणं लोयस्स असंखेज्जइभागे, समुग्घाएणं लोयस्स असंखेज्जइभागे, सट्टाणेणं लोयस्स असंखेज्जइभागे॥ मणुस्सठाण-पदं
२६. कहि णं भंते ! मणुस्साणं पज्जत्तापज्जत्ताणं ठाणा पण्णत्ता ? गोयमा ! अंतोमणुस्सखेत्ते पणतालीसाए जोयणसतसहस्सेसु अड्ढाइज्जेसु दीवसमुद्देसु पण्ण रससु कम्मभूमीसु तीसाए अकम्मभूमीसु छप्पणाए अंतरदीवेसु, एत्थ णं मणुस्साणं पज्जत्तापज्जत्ताणं ठाणा पण्णत्ता । उववाएणं लोयस्स असंखेज्जइभागे, समुग्घाएणं सव्वलोए, सट्ठाणेणं लोयस्स असंखेज्जइभागे॥ भवणवासिदेवठाण-पदं
३०. कहि णं भंते ! भवणवासीणं देवाणं पज्जत्तापज्जत्ताणं ठाणा पण्णत्ता ? कहि णं भंते ! भवणवासी देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसतसहस्सबाहल्लाए उवरि एगं जोयणसहस्सं ओगाहित्ता हेट्ठा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से, एत्थ णं भवणवासीणं देवाणं सत्त भवणकोडीओ बावतरि च भवणावाससतसहस्सा भवंतीति मक्खातं । ते णं भवणा बाहिं वट्टा अंतो समचउरंसा अहे पुक्खरकण्णियासंठाणसंठिता उक्किण्णंतरविउलगंभीरखात-परिहा' पागारट्टालय-कवाड-तोरण-पडिदुवारदेसभागा जंत-सयग्घि-मुसल-मुसुंढिपरिवारिया १. अट्टत्तरं (क); अठ्ठत्तरि (ग,घ); अडहुत्तरं ६. मलयगिरिवृत्तौ समुद्धृते पाठे ‘फलिहा' इति
पदं दृश्यते। समवायाङ्गे (प०म० १४४) पि २. उ तिसु सहस्सेसु (क); तिसहस्सेसु (ख,ग, एतदेव दृश्यते ।
७. कवाडया (ख)। ३. होति उ (ख,ग,घ)।
८. मुसंढि° (क,घ); मुसंढिपरियारिया (ख,ग); ४. आसीउत्तर° (ख)।
समवायाङ्गे (प०सू० १४४) 'मुसुंढि' इति ५. उक्किण्णंतरगंभीरखात (हाव); समवायांगे पदं दृश्यते । (प०सू० १४४) 'विपुल' इति पदं दृश्यते ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |