Page Text
________________
बिइयं ठाणपर्यं
भागे, सट्टाणेणं लोयस्स असंखेज्जइभागे ||
५. कहि णं भंते! बादरआउक्काइयाणं अपज्जत्तगाणं ठाणा पण्णत्ता ? गोयमा ! जत्थेव बादरआउकाइयाणं पज्जत्तगाणं ठाणा तत्थेव बादरआउक्काइयाणं अपज्जत्तगाणं ठाणा पण्णत्ता । उववाएणं सव्वलोए, समुग्धाएणं सव्वलोए, सट्टाणेणं लोयस्स असंखेज्जइभागे ॥
६. कहि णं भंते! सुहुमआउक्काइयाणं 'पज्जत्तगाणं अपज्जत्तगाण य" ठाणा पण्णत्ता ? गोयमा ! सुहुमआ उक्काइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! | तेक्कायठाण-पदं
७. कहि णं भंते! बादरतेउकाइयाणं पज्जत्तगाणं ठाणा पण्णत्ता ? गोयमा ! सट्टाणेणं अंतोमणुस्सखेत्ते अड्ढाइज्जेसु दीव-समुद्देसु निव्वाघाएणं पण्णरससु कम्मभूमीसु, वाघायं पच्च पंच महाविदेहेसु, एत्थ णं बादरते उक्काइयाणं पज्जत्तगाणं ठाणा पण्णत्ता । 'उववाएणं लोयस्स असंखेज्जइभागे समुग्धाएणं लोयस्स असंखेज्जइभागे, सट्टाणेणं लोयस्स असंखेज्जइभागे” ।
८. कहिणं भंते ! वादरते उकाइयाणं अपज्जत्तगाणं ठाणा पण्णत्ता ? गोयमा ! जत्थेव वादरते उकाइयाणं पज्जत्तगाणं ठाणा तत्थेव बादरतेउकाइयाणं अपज्जत्तगाणं ठाणा पण्णत्ता । उववाएणं लोयस्स 'दोसु उड्ढकवाडेसु" तिरियलोयतट्टे य, समुग्धाएणं सव्वलोए, साणे लोस्स असंखेज्जइभागे ||
६. कहि णं भंते! सुहुमतेउकाइयाणं पज्जत्तगाणं अपज्जत्तगाण य ठाणा पण्णत्ता ? गोयमा ! सुहुमते उकाइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! ||
वाउकायठाण-पदं
१०. कहिणं भंते ! बादरवाउकाइयाणं पज्जत्तगाणं ठाणा पण्णत्ता ? गोयमा ! सट्टाणेणं सत्तसु घणवाएसु सत्तसु घणवायवलएसु सत्तसु तणुवाएसु सत्तसु तणुवायवलएसु । अहोलोएपायाले भवणेसु भवणपत्थडेसु भवणछिद्देसु भवणणिक्खुडेसु निरएसु' निरयावलियासु निरयपत्थडे निरयछिद्देसु निरयणिक्खुडेसु । उड्ढलोए - कप्पेसु विमाणेसु विमाणावलि - यासु विमाणपत्थडेसु विमाणछिद्देसु विमाणणिक्खडेसु । तिरियलोए - पाईण पडीण - दाहिणउदीर्ण' सव्वेसु चेव लोगागासछिद्देसु लोगणिक्खुड्डेसु य । एत्थ णं बादरवाउकाइयाणं पज्जत्तगाणं ठाणा पण्णत्ता । उववाएणं लोयस्स असंखेज्जेसु भागेसु, समुग्धाएणं लोयस्स असंखेज्जेसु भागेसु, सट्टाणेणं लोयस्स असंखेज्जेसु भागेसु ॥
११. कहि णं भंते ! अपज्जत्तबादरवाउकाइयाणं ठाणा पण्णत्ता ? गोयमा ! जत्थेव
१. पज्जत्तापज्जत्ताणं (घ ) ।
२. तीसु वि लोगस्स असंखेज्जतिभागे (हवृ ) ।
३. दोसुद्धकवाडे (पु, हवृ ) ।
४. णिखुडेसु (पु) सर्वत्र हारिभद्रीयवृत्ती
1
४१
Jain Education International
'निकटो' इति पदं मुद्रितं दृश्यते
५. नरएसु ( ख ) ।
६. पयीण ( क ) ; पईण ( ख, ग, घ ) ।
७. विभक्तिरहितपदम् ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |