Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 117

पुढविकायठाण-पदं
१. कहि णं भंते ! बादरपुढविकाइयाणं पज्जत्तगाणं ठाणा पण्णत्ता ? गोयमा ! सट्टाणेणं अट्ठसु पुढवीसु, तं जहा - रयणप्पभाए सक्करप्पभाए वालुयप्पभाए पंकप्पभाए धूमप्पभाए तमप्पभाए तमतमप्पभाए इसीप भाराए । अहोलोए - पायालेसु भवणेसु भवणपत्थडे निरएस निरयावलियासु निरयपत्थडेसु । उड्ढलोए - कप्पेसु विमाणेसु विमाणावलियासु विमाणपत्थडेसु । तिरियलोए - टंकेसु कूडेसु सेलेसु सिहरीसु पब्भारेसु विजएसु वक्खारेसु वासेसु वासहरपव्वसु वेलासु वेइयासु दारेसु तोरणेसु दीवेसु समुद्देसु । एत्थ णं बादरपुढविकाइयाणं पज्जत्तगाणं ठाणा पण्णत्ता । उववाएणं लोयस्स असंखेज्जइभागे, समुग्धाएणं लोयस्स असंखेज्जइभागे, सट्टाणेणं लोयस्स असंखेज्जइभागे ॥
२. कहि णं भंते ! बादरपुढविकाइयाणं अपज्जत्तगाणं ठाणा पण्णत्ता ? गोयमा ! जत्थेव बादरपुढविकाइयाणं पज्जत्तगाणं ठाणा तत्थेव बादरपुढविकाइयाणं अपज्जत्तगाणं ठाणा पण्णत्ता । उववाएणं सव्वलोए, समुग्धाएणं सव्वलोए, सट्टाणेणं लोयस्स असंखेज्जइभागे ।।
३. कहि णं भंते! सुमपुढविकाइयाणं पज्जत्तगाणं अपज्जत्तगाण य ठाणा पण्णत्ता ? गोमा ! सुमपुढविकाइया जे पज्जत्तगा जे य अपज्जत्तगा ते सव्वे एगविहा अविसेसा अणाणत्ता सव्वलोयपरियावण्णगा पण्णत्ता समणाउसो ! ||
बिइयं ठाणपयं
आउक्कायठाण-पदं
४. कहि णं भंते ! बादरआउक्काइयाणं पज्जत्तगाणं ठाणा पण्णत्ता ? गोयमा ! सट्टा सत्तसु घणोदधीसु सत्तसु घणोदधिवलएसु । अहोलोए - पायालेसु भवणेसु भवणपत्थडेसु । उड्ढलोए - कप्पेसु विमाणेसु विमाणावलियासु विमाणपत्थडेसु । तिरियलोएअगडे तलासु नदी दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु विलेसु बिलपंतियासु उज्झरेसु निज्झरेसु चिल्ललेसु' पल्ललेसु' वप्पिणेसु
वे समुद्देसु सव्वे चेव जलासएसु जलट्ठाणेसु । एत्थ णं बादरआउक्काइयाणं पज्जत्तगाणं' ठाणा पण्णत्ता । उववाएणं लोयस्स असंखेज्जइभागे, समुग्धाएणं लोयस्स असंखेज्जइ१. चिल्ललएसु ( ख, ग, घ ) । ३. पज्जत्ताणं (ग,घ) । २. पल्ललएसु (ग) ।
४०