Page Text
________________
पढमं पण्णवणापदं
११६. से किं तं सयंबुद्धछउमत्थखीणकसायवीतरागचरित्तारिया ? सयंबुद्धछउमत्थखीणकसायवीतरागचरित्तारिया दुविहा पण्णत्ता, तं जहा-पढमसमयसयंबुद्धछउमत्थखीणकसायवीतरागचरित्तारिया य अपढमसमयसयंबुद्धछ उमत्थखीणकसायवीतरागचरितारिया य, अहवा चरिमसमयसयंबुद्धछ उमत्थखीणकसायवीयरागचरित्तारिया य अचरिमसमयसयंबुद्धछउमत्थखीणकसायवीयरागचरित्तारिया य। से तं सयंबुद्धछउमत्थखीणकसाय वीतरागचरित्तारिया ॥
१२०. से किं तं बुद्धबोहियछउमत्थखीणकसायवीतरागचरित्तारिया ? बुद्धबोहियछउमत्थखीणकसायवीतरागचरित्तारिया दुविहा पण्णत्ता, तं जहा-पढमसमयबुद्धबोहियछउमत्थखीणकसायवीतरागचरित्तारिया य अपढमसमयबुद्धबोहियछउमत्थखीणकसायवीतरागचरित्तारिया य, अहवा चरिमसमयबुद्धबोहियछ उमत्थखीणकसायवीतरागचरित्तारिया य अचरिमसमयबुद्धबोहियछउमत्थखीणकसायवीयरागचरित्तारिया य। से तं बुद्धबोहियछउमत्थखीणकसायवीयरागचरित्तारिया। से तं छउमत्थखीणकसायवीतरागचरित्तारिया ॥
१२१. से किं तं केवलिखीणकसायवीतरागचरित्तारिया ? केवलिखीणकसायवीतरागचरित्तारिया दुविहा पण्णत्ता, तं जहा--सजोगिकेवलिखीणकसायवीयरागचरित्तारिया य अजोगिकेवलिखीणकसायवीयरागचरित्तारिया य॥
१२२. से किं तं सजोगिकेवलिखीणकसायवीयरागचरित्तारिया ? सजोगिकेवलिखीणकसायवीयरागचरित्तारिया दुविहा पण्णत्ता, तं जहा-पढमसमयसजोगिकेवलिखीणकसायवीयरागचरित्तारिया य अपढमसमयसजोगिकेवलिखीणकसायवीयरागचरित्तारिया य, अहवा चरिमसमयसजोगिकेवलिखीणकसायवीतरागचरित्तारिया य अचरिमसमयसजोगिकेवलिखीणकसायवीयरागचरित्तारिया य। से तं सजोगिकेवलिखीणकसायवीयरागचरित्तारिया ॥
१२३. से किं तं अजोगिकेवलिखीणकसायवीयरागचरित्तारिया ? अजोगिकेवलिखीणकसायवीयरागचरित्तारिया दुविहा पण्णता, तं जहा ---पढमसमयअजोगिकेवलिखीणकसायवीयरागचरित्तारिया य अपढमसमयअजोगिकेवलिखीणकसायवीयरागचरित्तारिया य. अहवा चरिमसमयअजोगिकेवलिखीणकसायवीयरागचरित्तारिया य अचरिमसमयअजोगिकेवलिखीणकसायवीतरागचरित्तारिया य। से तं अजोगिकेवलिखीणकसायवीयरागचरित्तारिया। से तं केवलिखीणकसायवीतरागचरित्तारिया। से तं खीणकसायवीतरागचरित्तारिया। से तं वीयरागचरित्तारिया।
१२४. अहवा चरित्तारिया' पंचविहा पण्णत्ता, तं जहा-सामाइयचरित्तारिया छेदोवट्ठावणियचरित्तारिया परिहारविसुद्धियचरित्तारिया सुहुमसंपरायचरित्तारिया अहक्खायचरित्तारिया ॥
१२५. से किं तं सामाइयचरित्तारिया ? सामाइयचरित्तारिया दुविहा पण्णत्ता, तं जहा-इत्तरियसामाइयचरित्तारिया य आवकहियसामाइयचरित्तारिया य। से तं सामाइयचरित्तारिया ।। १. चारित्तारिया (ख,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |