Page Text
________________
पण्णवणासुत्तं
कसायवीतरागदसणारिया य अपढमसमयअजोगिकेवलिखीणकसायवीतरागदसणारिया य, अहवा चरिमसमयअजोगिकेवलिखीणकसायवीतरागदंसणारिया य अचरिमसमयअजोगिकेवलिखीणकसायवीयरागदंसणारिया य। से तं अजोगिकेवलिखीणकसायवीतरागदंसणारिया। से तं केवलिखीणकसायवीतरागदसणारिया। से तं खीणकसायवीतरागदसणारिया। से तं वीयरागदसणारिया। से तं दसणारिया ॥ चरित्तारिय-पदं
१११. से किं तं चरित्तारिया ? चरित्तारिया दुविहा पण्णत्ता, तं जहा-सरागचरित्तारिया य वीयरागचरित्तारिया य ।।
११२. से किं तं सरागचरित्तारिया ? सरागचरित्तारिया दुविहा पण्णत्ता, तं जहासुहमसंपरायसरागचरित्तारिया य वायरसंपरायसरागचरित्तारिया य ।।
११३. से किं तं सुहुमसंपरायसरागचरित्तारिया ? सुहुमसंपरायसरागचरित्तारिया दुविहा पण्णत्ता, तं जहा-पढमसमयसुहमसंपरायसरागचरित्तारिया य अपढमसमयसुहमसंपरायसरागचरित्तारिया य, अहवा चरिमसमयसुहमसंपरायसरागचरित्तारिया य अचरिमसमयसुहुमसंपरायसरागचरित्तारिया य, अहवा सुहुमसंपरायसरागचरित्तारिया दुविहा पण्णत्ता, तं जहा-संकिलिस्समाणा य विसुज्झमाणा य। से तं सुहुमसंपरायसरागचरित्तारिया ॥
११४. से कि तं बादरसंपरायसरागचरित्तारिया ? बादरसंपरायसरागचरित्तारिया दुविहा पण्णत्ता, तं जहा–पढमसमयवादरसंपरायसरागचरित्तारिया य अपढमसमयबादरसंपरायसरागचरित्तारिया य, अहवा चरिमसमयवादरसंपरायसरागचरित्तारिया य अचरिमसमयबादरसंपरायसरागचरित्तारिया य, अहवा बादरसंपरायसरागचरित्तारिया दुविहा पण्णत्ता, तं जहा-पडिवाती य अपडिवाती य । से तं बादरसंपरायस रागचरित्तारिया। से त्तं सरागचरित्तारिया ॥
११५. से किं तं वीयरागचरित्तारिया ? वीयरागचरित्तारिया दुविहा पण्णत्ता, तं जहा-उवसंतकसायवीयरागचरित्तारिया य खीणकसायवीतरागचरित्तारिया य ॥
११६. से किं तं उवसंतकसायवीयरागचरित्तारिया ? उवसंतकसायवीयरागचरित्तारिया दुविहा पण्णत्ता, तं जहा-पढमसमयउवसंतकसायवीयरागचरित्तारिया य अपढमसमयउवसंतकसायवीय रागचरित्तारिया य, अहवा चरिमसमयउवसंतकसायवीयरागचरित्तारिया य अचरिमसमय उवसंतकसायवीयरागचरित्तारिया य। से तं उवसंतकसायवीयरागचरित्तारिया ॥
११७. से कि तं खीणकसायवीयरागचरित्तारिया ? खीणकसायवीयरागचरित्तारिया दुविहा पण्णत्ता, तं जहा-छउमत्थखीणकसायवीतरागचरित्तारिया य केवलिखीणकसायवीतरागचरित्तारिया य॥
११८. से किं तं छउमत्थखीणकसायवीतरागचरित्तारिया ? छउमत्थखीणकसायवीतरागचरित्तारिया दुविहा पण्णत्ता, तं जहा-सयंबुद्धछ उमत्थखीणकसायवीयरागचरित्तारिया य बुद्धबोहियछउमत्थखीणकसायवीय रागचरित्तारिया य॥
Jain Education International
For Private & Personal Use Only
www.jainelibrary.org |
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |