________________
नवमी दसविहपडिवत्ती
समयणेरइया पढमसमयतिरिक्खजोणिया अपढमसमयतिरिक्खजोणिया पढमसमयमणूसा अपढमसमयमणूसा पढमसमयदेवा अपढमसमयदेवा सिद्धा य ॥
२३३. पढमसमयणेरइया णं भंते ! पढमसमयणेरइएत्ति कालओ केवचिरं होति ? गोयमा ! एक्कं समयं ॥
२३४. अपढमसमयणेरइए णं भंते ! अपढमसमयणेरइएत्ति कालओ केवचिरं होति ? गोयमा ! जहण्णेणं दस वाससहस्साइं समयूणाई, उक्कोसेणं तेत्तीसं सागरोवमाइं समयूणाई॥
२३५. पढमसमयतिरिक्खजोणिए णं भंते ! पढसममयतिरिक्खजोणिएत्ति कालओ केवचिरं होति ? गोयमा ! एक्कं समयं ॥
२३६. अपढमसमयतिरिक्खजोणिए णं भंते ! अपढमसमयतिरिक्खजोणिएत्ति कालओ केवचिरं होति ? गोयमा ! जहण्णेणं खुड्डागं भवग्गहणं समयूणं, उक्कोसेणं वणस्सतिकालो।
२३७. पढमसमयमणूसे णं भंते ! पढमसमयमणूसेत्ति कालओ केवचिरं होति ? गोयमा ! एक्कं समयं ॥
२३८. अपढमसमयमणूसे णं भंते ! अपढमसमयमणूसेत्ति कालओ केवचिरं होति ? गोयमा ! जहणेणं खुड्डागं भवग्गहणं समयूणं, उक्कोसेणं तिण्णि पलिओवमाइं पुव्वकोडिपुहत्तमब्भहियाई॥
२३६. देवे जहा जेरइए ।
२४०. सिद्धे णं भंते ! सिद्धेत्ति कालओ केवचिरं होति ? गोयमा ! सादीए अपज्जवसिते॥
२४१. पढमसमयणेरइयस्स णं भंते ! अंतरं कालओ केवचिरं होति ? गोयमा ! जहण्णेणं दस वाससहस्साइं अंतोमुहुत्तमब्भहियाई, उक्कोसेणं वणस्सतिकालो॥
- २४२. अपढमसमयणेरइयस्स णं भंते ! अंतरं कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं वणस्सतिकालो॥
२४३. पढमसमयतिरिक्खजोणियस्स णं भंते ! अंतरं कालओ केवचिरं होति ? गोयमा ! जहण्णेणं दो खुड्डागाई भवग्गहणाई समयूणाई, उक्कोसेणं वणस्सतिकालो॥
२४४. अपढमसमयतिरिक्खजोणियस्स णं भंते ! अंतरं कालओ केवचिरं होति ? गोयमा ! जहण्णेणं खुड्डागं भवग्गहणं समयाहियं, उक्कोसेणं सागरोवमसयपूहत्तं सातिरेगं ॥
२४५. पढमसमर जहा पढमसमयतिरिक्खजोणियस्स ।।
२४६. अपढमसमयमणूसस्स णं भंते ! अंतरं कालओ केवचिरं होति ? गोयमा ! जहणणं खुड्डागं भवग्गहणं समयाहियं, उक्कोसेणं वणस्सतिकालो।
२४७. पढमसमयदेवस्स जहा पढमसमयणेरइयस्स ।।
.
पढमसमयदेवा अप २ सिद्धा य एतेसिं संचिट्टणंतरं च जहा हेट्ठा। अप्पाबहुं तधेव जाव
अपढमसमयदेवा असंखे सिद्धा अणंतगुणा अपढमसमयतिरिक्खजोणिया अणंतगुणा।
Jain Education International
For Private & Personal Use Only
www.jainelibrary.org
