Page Text
________________
जीवाजीवाभिगमे
आभिणिवोहियनाणी सुयणाणी ओहिणाणी मणपज्जवणाणी केवलणाणी मतिअण्णाणी सुयअण्णाणी विभंगणाणी॥
१९८. आभिणिबोहियणाणी णं भंते ! आभिणिवोहियणाणित्ति कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं छावट्ठिसागरोवमाइं सातिरेगाई। एवं सुयणाणीवि ॥
१६६. ओहिणाणी णं भंते ! ओहिणाणित्ति कालओ केवचिरं होति ? गोयमा ! जहण्णेणं एक्कं समयं, उक्कोसेणं छावद्विसागरोवमाइं सातिरेगाई॥
२००. मणपज्जवणाणी णं भंते ! मणपज्जवणाणित्ति कालओ केवचिरं होइ ? गोयमा ! जहण्णेणं एक्कं समयं, उक्कोसेणं देसूणा पुव्वकोडी॥
२०१. केवलणाणी णं भंते ! केवलणाणित्ति कालओ केवचिरं होति ? गोयमा ! सादीए अपज्जवसिते ।।
२०२. मतिअण्णाणी णं भंते ! मतिअण्णाणित्ति कालओ केवचिरं होति ? गोयमा ! मइअण्णाणी तिविहे पण्णत्ते, तं जहा --अणादीए वा अपज्जवसिए, अणादीए वा सपज्जवसिए, सादीए वा सपज्जवसिते। तत्थ णं जेसे सादीए सपज्जवसिते, से जहण्णेणं अंतोमुहत्तं, उक्कोसेणं अणंतं कालं जाव अवड्ढं पोग्गलपरियट्टं देसूणं। सुयअण्णाणी एवं चेव ।
२०३. विभंगणाणी णं भंते ! विभंगणाणित्ति कालओ केवचिरं होति ? गोयमा ! जहण्णणं एक्कं समयं, उक्कोसेणं तेत्तीसं सागरोवमाई देसूणाए पूव्वकोडीए अब्भहियाई॥
२०४. आभिणिबोहियणाणिस्स णं भंते ! अंतरं कालओ केवचिरं होइ ? गोयमा ! जहण्णणं अंतोमुहुत्तं, उक्कोसेणं अणंतं कालं जाव अवड्ढं पोग्गलपरियट्ट देसूणं । एवं सुयणाणिस्सवि, ओहिणाणिस्सवि, मणपज्जवणाणिस्सवि ।।
२०५. केवलणाणिस्स णं भंते ! अंतरं कालओ केवचिरं होति ? गोयमा ! सादीयस्स अपज्जवसियस्स पत्थि अंतरं ।।
२०६. मइअण्णाणिस्स णं भंते ! अंतरं कालओ केवचिरं होति ? गोयमा ! अणादीयस्स अपज्जवसियस्स पत्थि अंतरं, अणादीयस्स सपज्जवसियस्स णत्थि अंतरं, सादीयस्स सपज्जवसियस्स जहण्णणं अंतोमुहुत्तं, उक्कोसेणं छावट्ठि सागरोवमाइं सातिरेगाई। एवं सुयअण्णाणिस्स वि ॥
२०७. विभंगणाणिस्स णं भंते ! अंतरं कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं वणस्सतिकालो।
आभिणिबोहित जाव मणपज्ज अंतरं जहं अंतो मुहत्तं उक्कोसेणं अणंतका अवड्ढे दो देसू मति सुत अण्णाणाणं अंतरं अणादि अप णत्यंतरं, सादी सपज्ज जहं अंतोमुहत्तं उक्कोसेणं छावदि सागरोवमाइं साति, विभंगणाणिस्स
वणकालो। पृच्छा गो अप्पाबहुयस्स थोवा मणप ओधिणा असं आभिणिबो सुयणाणी दोवि तुल्ला विसे विब्भ असं केवल अणं, मतिअ सुत स दोवि तुल्ला अणंतगुणा। सेतं एवमाहंसु अट्ठविहा।
Jain Education International
www.jainelibrary.org
For Private & Personal Use Only
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |