Page Text
________________
५०६
जीवाजौवाभिगमे १७२. वेउव्वियसरीरी जहण्णेणं एक्कं समयं, उक्कोसेणं तेत्तीसं सागरोवमाई अंतोमुहुत्तमब्भहियाइं ॥
१७३. आहारगसरीरी जहण्णेणं अंतोमुत्तं, उक्कोसेणवि अंतोमुहत्तं ।
१७४. तेयगसरीरी कम्मगसरीरी य ‘पत्तेयं दुविहे", तं जहा-अणादीए वा अपज्जवसिए, अणादीए वा सपज्जवसिते ।।
१७५. 'असरीरी साइए अपज्जवसिते" ॥
१७६. ओरालियसरीरस्स अंतरं जहण्णेणं एक्कं समयं, उक्कोसेणं तेत्तीसं सागरोवमाइं अंतोमुत्तमब्भहियाई॥
१७७. वेउव्वियसरीरस्स अंतरं जहण्णणं अंतोमुहत्तं, उक्कोसेणं वणस्सतिकालो।
१७८. आहारगसरीरस्स जहण्णेणं अंतोमुहुत्तं, उक्कोसेणं अणंतं कालं जाव' अवड्ढं पोग्गलपरियट देसूणं ॥
१७९. 'तेयग-कम्मगाणं दोण्हवि अणाइय-अपज्जवसियाणं णत्थि अंतरं, अणाइयसपज्जवसियाणं णत्थि अंतरं ।।
१८०. 'असरीरिस्स साइय-अपज्जवसियस्स णत्थि अंतरं॥
१८१ अप्पाबयं-सव्वत्थोवा आहारगसरीरी, वेउव्वियसरीरी असंखेज्जगणा, ओरालियसरीरी असंखेज्जगुणा, असरीरी अणंतगुणा, तेयाकम्मसरीरी दोवि तुल्ला अणंतगणा। सेत्तं छव्विहा सव्वजीवा ।।
१८२. तत्थ णं जेते एवमाहंसु सत्तविधा सव्वजीवा पण्णत्ता ते एवमाहंसु, तं जहापुढविकाइया आउकाइया तेउकाइया वाउकाइया वणस्सतिकाइया तसकाइया अकाइया॥
१८३. 'संचिट्ठणंतरा जहाँ हेट्ठा" ॥
१८४. 'अप्पाबहुयं--सव्वत्थोवा तसकाइया, तेउकाइया असंखेज्जगुणा, पुढविकाइया विसेसाहिया, आउकाइया विसेसाहिया, वाउकाइया विसेसाहिया, अकाइया' अणंतगणा, वणस्सइकाइया अणंतगुणा ॥
१८५. अहवा सत्तविहा सव्वजीवा पण्णत्ता, तं जहा–कण्हलेस्सा नीललेस्सा काउलेस्सा तेउलेस्सा पम्हलेस्सा सुक्कलेस्सा अलेस्सा ॥
१८६. कण्हलेसे णं भंते ! कण्हलेसति कालओ केवचिरं होइ ? गोयमा ! जहण्णणं अंतोमुहुत्तं, उक्कोसेणं तेत्तीसं सागरोवमाइं अंतोमुत्तमब्भहियाइं"।
१८७. णीललेस्से णं भंते ! णीललेस्सेत्ति कालओ केवचिरं होइ ? गोयमा ! जहणणेणं १. दोवि दुविहा (ता)।
६. ४ (क, ख, ग, ट, त्रि, मवृ)। २. ४ (ता)।
७. जी० ५।८-१७,६।१६। ३. अणंतं कालं वणस्सतिकालो (क, ख, ग, ट, ८. सव्वेसिं संचिट्ठणंतराई भाणितव्वाइं अकाइए त्रि)।
सादीए अप णत्थि य से अंतरं (ता)। ४. जी० ६।२३ ।
६. सिद्धा (क, ख, ग, ट, त्रि) । ५ तेयंकम्मसरीरस्स दुण्हवि त्यि अंतरं (क, ख, १०. अप्पाबहुगं भाणियव्वं (ता) । ग, ट, त्रि); द्विवानि नास्त्यन्त रम् (मवृ)। ११. मभतियाई (ता) सर्वत्र ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |