Page Text
________________
४०६
जीवाजीवाभिगमे गोयमा ! जंबुद्दीवे दीवे मंदरस्स पव्वयस्स पुरत्थिमेणं लवणसमुदं बारस जोयणसहस्साई ओगाहित्ता, एत्थ णं अभितरलावणगाणं चंदाणं चंददीवा णामं दीवा पण्णत्ता, जहा जंबुद्दीवगा चंदा तहा भाणियव्वा, णवरि-रायहाणीओ अण्णंमि लवणे, सेसं तं चेव ॥
७६७. एवं अभितरलावणगाणं सूराणवि लवणसमुहं बारस जोयणसहस्साई तहेव सव्वं जाव' रायहाणीओ॥
७६८. कहि णं भंते ! बाहिरलावणगाणं चंदाणं चंददीवा णाम दीवा पण्णत्ता ? गोयमा ! लवणस्स समुद्दस्स पुरथिमिल्लाओ वेदियंताओ लवणसमुदं पच्चत्थिमेणं बारस जोयणसहस्साई ओगाहित्ता, एत्थ णं बाहिरलावणगाणं चंदाणं चंददीवा णामं दीवा पण्णत्ता-बारस जोयणसहस्साइं आयाम-विक्खंभेणं, धायइसंडदीवंतेणं अद्धकोणणवति जोयणाइं चत्तालीसं च पंचणउतिभागे जोयणस्स ऊसिता जलंताओ, लवणसमुदंतेणं दो कोसे ऊसिता पउमवरवेइया वणसंडा बहुसमरमणिज्जा भूमिभागा मणिपेढिया सीहासणा सपरिवारा, सो चेव अट्टो' रायहाणीओ सगाणं' दीवाणं पुरथिमेणं तिरियमसंखेज्जे दीवसमूहे वीईवइत्ता अण्णं मि लवणसमझे तहेव सव्वं ॥
७६६. कहिं णं भंते ! बाहिरलावणगाणं सूरा णं सूरदीवा णामं दीवा पण्णत्ता ? गोयमा ! लवणसमुदृपच्चत्थिमिल्लाओ वेदियंताओ लवणसमुदं पुरत्थिमेणं बारस जोयणसहस्साइं धायतिसंडदीवंतेणं अद्धेकूणणउति जोयणाई चत्तालीसं च पंचनउतिभागे जोयणस्स, लवणसमझतेणं दो कोसे ऊसिया, सेसं तहेव जाव रायहाणीओ सगाणं दीवाणं पच्चत्थिमेणं तिरियमसंखेज्जे लवणे चेव बारस जोयणा तहेव सव्वं भाणियव्वं॥
७७०. कहि णं भंते ! धायइसंडदीवगाणं चंदाणं चंददीवा णामं दीवा पण्णत्ता ? गोयमा ! धायइसंडस्स दीवस्स पुरथिमिल्लाओ वेदियंताओ कालोयं णं समुह बारस जोयणसहस्साइं ओगाहित्ता, एत्थ णं धायइसंडदीवगाणं चंदाणं चंददीवा णामं दीवा पण्णत्ता, सव्वतो समंता दो कोसा ऊसिता जलंताओ, बारस जोयणसहस्साई तहेव विक्खंभ परिक्खेवो, भूमिभागो पासायवसिया मणिपेढिया सीहासणा सपरिवारा अट्ठो तहेव,
ऊसिते जलंतातो तं चेव सव्वं रायहाणीओ सूरदीवाणं पच्चत्थिमेणं अण्णंमि धातइसंडे जाव महिढिया सुरा। कालोयणं चंदाणं कालोयणं समुद्दस्स पुरथिमिल्लातो वेइयंताओ कालोयणं समूह पच्चत्थिमेणं बारस जोयणसहस्साइं ओगाहेत्ता एत्थ णं कालोयणगाणं तं चेव जहा धातइसंडगाणं रायहाणीओ सयाणं दीवाणं पुरथिमेणं तिरियमसंखेज्जे अण्णमि कालोयणे जाव महिडढीया चंदा देवा। सुरावि एवं चेव नवरं कालोयणस्स पच्चत्थिमिल्लातो वेइयंताओ कालोयणं समुदं पुरत्थिमेणं बारसजोयणसह ओगा रायहाणीओ सूरद्दीवाणं पच्चत्थिमेणं अण्णंमि कालोयणे । एवं जहा धायइसंडाणं तहा दीवेसु जहा कालेयणकाण तहा समुद्देसु दीविच्चकाणं दीवेसु रायहाणीओ सामुद्दकाणं समुद्देसु जाव सुरद्दीवा समुद्दाणं । १. जी० ३७६५।
३. साणं (क, ख)। २. एतत् पदं 'से केणठेणं भंते !' इति सूत्रस्य ४. जी० ३७६२-७६४ । सूचकमस्ति ।
५. जी० ३१७६५।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |