Page Text
________________
जीवाजीवाभिगमे
४०१. तीसे गं मणिपेढियाए उप्पि, एत्थ णं 'महं एगे" माणवए नाम चेइयखंभे पण्णत्ते - अट्टमाई जोयणाई उड्ढं उच्चत्तेणं, अद्धकोसं उव्वेहेणं, अद्धकोसं विक्खंभेणं, 'छकोडीए छल से " छविग्गहिते वइरामयवट्टलट्ठसंठिय-सुसिलिट्ठपरिघट्टमट्ठसुपतिट्ठिते एवं जहा महिंदज्झयस्स वण्णओ जाव' पडिरूवे ||
३३८
४०२. तस्स णं माणवकस्स चेतियखंभस्स उवरि छक्कोसे ओगाहित्ता, हेट्ठावि छक्को वज्जेत्ता, मज्झे अद्धपंचमेसु जोयणेसु एत्थ णं बहवे सुवण्णरुप्पमया फलगा पण्णत्ता । तेसु णं सुवण्णरुपमएसु फलएसु बहवे वइरामया णागदंता पण्णत्ता । तेसु णं वइराम सु नागदंत बहवे रययामया सिक्कगा पण्णत्ता । तेसु णं रययामयसिक्कसु बहवे वइरामया गोलवट्टसमुग्गका पण्णत्ता । तेसु णं वइरामएस गोलवट्टसमुग्गएसु बहुयाओं जिण-सकहाओ संनिक्खित्ताओ चिट्ठति, जाओ णं विजयस्स देवस्स अण्णेसि च बहूणं वाणमंतराणं देवाण य देवीण य अच्चणिज्जाओ वंदणिज्जाओ पूर्याणिज्जाओ माणणिज्जाओ सक्कारणिज्जाओ कल्लाणं मंगलं देवयं चेतियं पज्जुवासणिज्जाओ ।।
४०३. माणवगस्स णं चेतियखंभस्स उवरि अट्ठट्ठमंगलगा झया छत्तातिछत्ता ॥ ४०४. तस्स णं माणवकस्स चेतियखंभस्स पुरत्थिमेणं, एत्थ णं 'महं एगा " मणिपेढिया पण्णत्ता । सा णं मणिपेढिया 'जोयणं आयाम - विक्खंभेणं, अद्धजोयणं बाहल्लेणं" सव्वमणिमई अच्छा जाव पडिरूवा ॥
४०५. तीसे णं मणिपेढियाए उप्पि, एत्थ णं 'महं एगे सीहासणे पण्णत्ते सपरिवारे " ॥
४०६. तस्स णं माणवगस्स चेतियखंभस्स पच्चत्थिमेणं, एत्थ णं महं एगा मणिपेढिया पण्णत्ता - जोयणं आयाम - विक्खंभेणं, अद्धजोयणं बाहल्लेणं सव्वमणिमई अच्छा जाव पडिरूवा ॥
४०७. तीसे णं मणिपेढियाए उप्पि, एत्थ णं महं एगे देवसयणिज्जे पण्णत्ते । तस्स णं देवसयणिज्जस्स अयमेयारूवे वण्णावासे पण्णत्ते, तं जहा - नाणामणिमया पडिपादा, सोवणिया पादा, नाणामणिमया पायसीसा, जंबूणयमयाई गत्ताई, वइरामया संधी, णाणामणिमए वेच्चे', रययामई तूली, लोहियक्खमया बिब्बोयणा, तवणिज्जमई गंडोवहा - णिया । से णं देवसयणिज्जे सालिंगणवट्टिए" उभओ बिब्बोयणे दुहओ उण्णए मज्भे य
१. x (क, ख, ग, ट, त्रि, राय० सू० २३९ ) । २. छअंसे छकोडीए (ता) ।
३. जी० ३।३६३, ३६४ ।
४. बहवे (क, ख, ग, ट, त्रि) । ५. ताओ (ता, राय० सू० २४० ) । ६. एगा महं ( क, ख, ग, ट, त्रि) । ७. दो जोयणाई आयामविवखंभेणं जोयणं बाह(क, ख, ग, ट, त्रि ) ; अस्या एव प्रतिपत्तेः ३६२ सूत्रे तथा ४०६ सूत्रेपि 'जोयणं,
Jain Education International
अद्धजोयणं' इति संवादिपाठो लभ्यते । स्वीकृतपाठस्याधारोस्ति 'ता' प्रतिर्वृत्तिश्च ।
८. एवं मद्दं सीहासणपण्णत्ते सीहासणवण्णओ (क, ख, ग, ट, त्रि); जी० ३१३३८-३४५ । ६. विच्चे (क, ख, ग ) ; तिच्चे (ट); चिच्चे (त्रि) ।
१०. क, ख, ग, ट, त्रि' आदर्शेषु 'सालिंगणवट्टिए' इति पदं 'मज् णयगंभीरे' इति वाक्यानन्तरमस्ति ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |